آداب خالدة (أ)
الأحد، 20 أبريل 2014
مع كتاب (أزاهير المسرح) للأديب / جمال البيلي
بسم الله الرحمن الرحيم
الشــــاعـــر/ جـــمــــال البـــيـــلي
الســـــــــــيرة الذاتـــــــــــية
*الاسم : جمال أحمد طه محمد البيلي.
*الجنسية : مصري ومن مواليد مدينة الإسكندرية عام 1965
*موظف بالإدارة الهندسية لحي الجمرك بمدينة الإسكندرية سابقاً ويعمل حالياً مدوناً بدون أن يتقاضى أى أجر.
*فنان شامل في مجالات الأدب والموسيقي والفن التشكيلي وبدأ رحلته مع الفنون من عام1981 وحتي الآن.
*في مجال الأدب : يكتب جميع فنون الأدب العربي
حيث يكتب : الشعر الفصيح - الزجل والأغنية - القصة الزجلية ـ القصة القصيرة - المسرحية - الرواية.
*في مجال الموسيقي : عازف أورج وبيانو وله محاولات متعددة في الغناء والتلحين.
*في مجال الفن التشكيلي : مصور فوتوغرافي محترف ومتخصص في فن البورتريه.
إنجازاته مع الفنون :
ـ1ـ قام بتأليف أكثر من 35 كتاباً متنوعاً في شتي مجالات الأدب العربي نجح فيها في إضافة فكراً جديداً وأسلوباً مبدعاً للأدب العربي في العصر الحديث.
ـ2ـ حصل علي المركز الأول فى الشعر علي مستوي جمهورية مصر العربية في المسابقة القومية الخاصة بحماية البيئة والتي نظمتها وزارة الشباب المصرية بمدينة كفر الشيخ في عام 2000.
ـ3ـ حصل علي المركز الأول في الزجل علي مستوي جمهورية مصر العربية في نفس المسابقة.
ـ4ـ حصل علي المركز الثاني في الأغنية علي مستوي جمهورية مصر العربية في المسابقة القومية (لا للتدخين) والتي أقامتها وزارة الشباب المصرية بمدينة كفر الشيخ في عام 1999.
ـ5ـ كما حصل علي المركز الأول في 4 مسابقات بمفرده وهي مسابقات الشعر والزجل والأغنية والقصة القصيرة علي مستوي مدينة الإسكندرية في تصفيات المسابقة السابقة.
ـ6ـ حصل علي العديد من الجوائز وشهادات التقدير علي أعلي المستويات.
ـ7ـ عضوعامل في إتحاد كتاب مصر.
ـ8ـ عضو جماعة الأدب العربي بالإسكندرية.
ـ9ـ عضو كورال سيد درويش بمركز الإبداع بالإسكندرية.
ـ10ـ عضو مرسم مركزالإبداع اًيضاً بالإسكندرية.
ـ11ـ نُشرت له العديد من الأعمال الأدبية في الصحف والمجلات.
ـ12ـ شارك في العديد من المهرجانات الشعرية والأدبية والثقافية علي مستوي جمهورية مصر العربية.
ـ13ـ شارك بالغناء في العديد من الحفلات الغنائية وعلي رأسها مهرجان سكندريات العالم الدولي.
ـ14ـ قامت إذاعة الإسكندرية بإستضافته عدة مرات في مختلف برامجها الثقافية والأدبية مثل برنامج (صور من الشعر) وبرنامج
(مع هذا الأديب) وبرنامج (أدب الشاطئ) وبرنامج (المجلة الثقافية).
ـ15ـ لديه مجموعة كبيرة من الأغنيات معروضة علي لجان النصوص الغنائية بالإذاعة والتلفزيون.
ـ16ـ لديه 105 أغنية تم تلحينها بالفعل وتوزيع بعضها توزيعاً موسيقياَ بواسطة كبار الملحنين والموزعين في الإسكندرية ومن بينها أغنيات قام بكتابتها بسبعة لغات وهي الإنجليزية والفرنسية والأسبانية والإيطالية والألمانية واليونانية بالإضافة إلي اللغة العربية.
ـ17ـ قام بترجمة خمسة كتب من مؤلفاته الأدبية من اللغة العربية إلي اللغة الإنجليزية وهذه الكتب هي:
(1) جــــــنة الزيف (ديـــــــــوان شعــــــر).
(2) أغنـــــــية حب (ديوان أغانى وأزجال).
(3) إغتــــــيال قلب (ديوان أغانى وأزجال).
(4) المرجــــــــيحة (ديوان أغانى وأزجال).
(5) العاشق الكذاب (ديوان أغانى وأزجال).
ـ17ـ قام بترجمة خمسة كتب من مؤلفاته الأدبية من اللغة العربية إلي اللغة الإنجليزية وهذه الكتب هي:
(1) جــــــنة الزيف (ديـــــــــوان شعــــــر).
(2) أغنـــــــية حب (ديوان أغانى وأزجال).
(3) إغتــــــيال قلب (ديوان أغانى وأزجال).
(4) المرجــــــــيحة (ديوان أغانى وأزجال).
(5) العاشق الكذاب (ديوان أغانى وأزجال).
ـ 18ـ صدرت لهً خمسة كتب في الأسواق المصرية والعربية وقد حققت جميعها أعلي النسب في المبيعات وهذه الكتب هي:
(1) جـــنة الزيـــف (ديــــــوان شـــــــــعـر).
(2) عودة الأمـــس (مجموعة قصــــصــية).
(3) أغنـــية حــــب (ديوان أغاني وأزجـال).
(4) زهرة من الجنة (ديوان أغاني وأزجـال).
(5) بستان العــشق (ديوان أغاني وأزجــال).
ثم قام بنفسه بتحويل كل مؤلفاته الأدبية إلي كتبٍ إلكترونية ليتم عرضها وبيعها دائماً بالتجارة الإلكترونية للعالم كله من خلال موقعه علي الإنترنت وهو بعنوان:
(آداب خالدة)((((www.adabkhaleda.com واستمر عرض الكتب علي الموقع لمدة سنتين ونصف ثم توقف الموقع لأسباب تقنية ثم قامت مجموعة شركات (Amazon) و(Smashwords) الأمريكية الشهيرة بنشر وتوزيع وبيع مؤلفاته من الكتب الإلكترونية ـ باللغة العربية والإنجليزية ـ علي الإنترنت لجميع أنحاء العالم.
(19) قام بعرض عشرة كتب أدبية متنوعة من مؤلفاته (بصوته) علي 40 شريط فيديو ووضعها دائماً علي موقع يوتيوب وذلك حتى يتمكن الجمهور من مشاهدتها وقراءتها مجاناً كما قام بنشر هذه الكتب العشرة في مدوناته باللغة العربية حتى يقرأها القراء بالمجان أيضاً ثم أضاف لها خمسة مدونات أخرى تحتوى علي خمسة كتب أدبية مترجمة من اللغة العربية إلي اللغة الإنجليزية.
(20) قام بتخصيص عدد كبير من مدوناته للتصوير الفوتوغرافي الذي يقوم به وذلك حتى يقوم بعرض صور رحلاته الخارجية حول العالم فيها كما قام بتخصيص مدونة خاصة بالفنون التشكيلية وذلك حتى يعرض فيها جميع الصور والرسومات التى رسمها بنفسه لكى يـُعبر بها عن أعماله الأدبية المنشورة في مؤلفاته وقد قام بنشر هذه المدونات باللغة الإنجليزية.
(21) لديه دائماً جمهورعريض من عشاق فنه في كل أنحاء العالم.
(19) قام بعرض عشرة كتب أدبية متنوعة من مؤلفاته (بصوته) علي 40 شريط فيديو ووضعها دائماً علي موقع يوتيوب وذلك حتى يتمكن الجمهور من مشاهدتها وقراءتها مجاناً كما قام بنشر هذه الكتب العشرة في مدوناته باللغة العربية حتى يقرأها القراء بالمجان أيضاً ثم أضاف لها خمسة مدونات أخرى تحتوى علي خمسة كتب أدبية مترجمة من اللغة العربية إلي اللغة الإنجليزية.
(20) قام بتخصيص عدد كبير من مدوناته للتصوير الفوتوغرافي الذي يقوم به وذلك حتى يقوم بعرض صور رحلاته الخارجية حول العالم فيها كما قام بتخصيص مدونة خاصة بالفنون التشكيلية وذلك حتى يعرض فيها جميع الصور والرسومات التى رسمها بنفسه لكى يـُعبر بها عن أعماله الأدبية المنشورة في مؤلفاته وقد قام بنشر هذه المدونات باللغة الإنجليزية.
(21) لديه دائماً جمهورعريض من عشاق فنه في كل أنحاء العالم.
*******************************
مـــؤلـفـات الشــــاعــــر/ جــــمــــال البـــــــيلي
(1) جـــــــنة الزيف (ديــــــــــوان شـــــــــعر).
(2)عــــــودة الأمس (مجــــــموعة قصـــصية).
(3) أغــــــــنية حب (ديوان أغاني وأزجـــــال).
(4) زهرة من الجنة ( ديوان أغــــاني وأزجال).
(5) بستان العشــق (ديوان أغــــــاني وأزجـال).
(6) جنة الحب (ديوان أغاني وأزجـال للأطفال).
(7) إغتيال قلب (ديوان أغـــــــــاني وأزجـال).
(8) المرجيحة (ديوان أغــــــــــــاني وأزجـال).
(9) العاشق الكذاب (ديوان أغــــــــاني وأزجال).
(10) كوكب السلام (مســــــــــــــرحـيـــــــات).
(11) أزاهير المسرح (مســــــــــــــــرحيـــــات).
(12) مذبحة الضمير (مســـــرحـــــــــــــــــيات).
(13) وداعاً أيها الوفاء (مجـــــــموعة قصصــية).
(14) المدينة القاتلة ( مجموعة قصــــــــــصــية).
(15) أكذوبة إسمها الحب (مجمـوعة قصــــصية).
(16) بسمة المستحيل (ديــوان شــــــــــــــــعر).
(17) لعبة السياسي الموسيقية(مجموعة قصصية).
(18) إغتيال شاعر ( رواية – الســــــيرة الذاتية ).
(19) أنفلوانزا الشعور (مجموعة قصــــــــصية).
(20) ينابيع السقوط (مجموعة قصــــــــصـية).
(21) كلمة السر : حرامي (مســـــــرحــــــــــيات).
(22) حديقة الحيوات (مجموعة قصـــــــــــــصية).
(23) الشخصية المثالية والطريق إلي السعادة(علم نفس إجتماعي).
(24) أشـــــــــجار الصمت (مجمــــــــوعة قصــــــــــــصية).
(25) فجـــــــر الجحــــــيم (مجــــــــمـوعة قصــــــــــــصية).
(26) شــجــــرة الخيـــــــــــانة (مجـــــموعة قصـــــــــصية).
(27) مواطــــن آيـــــل للسقـــوط (مـــــســـــــــرحيــــــــات).
(27) مواطــــن آيـــــل للسقـــوط (مـــــســـــــــرحيــــــــات).
(28) أنشـــــــودة السكـــــــون(مجـــــموعــة قصـــــــــصية).
(29) جــمــهــوريـة جــهــنـــم (مجــــــموعة قصـــــــــصية).
(30) محـــاكــــمة عصـــــفــور(مجــــــموعة قصــــــــصية).
(31) بحــــــــــيـــرة المــــهـــــــزلــــة (مــــــســــرحــــيات).
(32) التــــقـــدم إلي الخـــــلــــــف (مجـــــموعة قصــــصية).
(32) التــــقـــدم إلي الخـــــلــــــف (مجـــــموعة قصــــصية).
(33) سيمــــفونية الســقــــــوط (مجــــــموعة قـصـــــصـية).
(34) إبتــــسم أنت في جهـــنم ! (مجـــــــموعة قصــــــصية).
(35) عــــنـــاقـــيــد النـــــفـــاق (مجـــــــموعة قصــــــصية).
(34) إبتــــسم أنت في جهـــنم ! (مجـــــــموعة قصــــــصية).
(35) عــــنـــاقـــيــد النـــــفـــاق (مجـــــــموعة قصــــــصية).
رحلته مع الفنون
أولاً: رحلة الأدب :بدأت حياته الأدبية في سن 11 سنة أثناء المرحلة الإبتدائية حيث لفتت كتاباته في موضوعات الإنشاء- نظر مدرسي اللغة العربية بالمدرسة فكان يحصل دائمأ علي الدرجات النهائية وكان يجيد حفظ الشعروإلقائه إجادة تامة ثم بدأ بعد ذلك يكتب ويقلد الشعر الذي كان يدرسه في كتاب المحفوظات في المرحلة الإبتدائية ثم في المرحلة الإعدادية - في صورة خواطر شعرية بسيطة ثم درس أثناء المرحلة الثانوية في دراسة خاصة – العديد من دواوين الشعر قديمه وحديثه ثم درس علم العروض وشتي علوم اللغة العربية فكتب بعد ذلك الشعر الفصيح والموزون والعمودي ثم إتجه إلي كتابة الزجل والأغنية وتتلمذ علي يد الشاعر الكبير/ أحمد السمرة الذي تنبأ له بمستقبل كبيرفي عالم الأغنية بصفة خاصة وفي الأدب العربي بصفة عامة وكان دائماً متواجداً في المحافل والمنتديات الأدبية ثم توالت بعد ذلك كتاباته في مجال القصة القصيرة ثم المسرحية ثم الرواية وكان ذلك بالطبع بعد دراسة مستفيضة ومتعمقة للأدب العربي من جهة وللأدب العالمي من جهة أخري وعلّم نفسه بنفسه من الألف إلي الياء.
ثانياً : رحلة الموسيقي : ظهرت موهبته الموسيقية في سن التاسعة أثناء المرحلة الإبتدائية حيث كان يجيد حفظ الإيقاعات المختلفة علي آلات الإيقاع في فرقة المدرسة ثم ترك الموسيقي لفترة طويلة وعاد لها مرةًأخري بالدراسة الجادة من خلال ثلاثة معاهد موسيقية شهيرة بالإسكندرية في عام 1991 وتلك المعاهد هي :المعهد الأوروبي للموسيقي – معهد إبراهيم عبد الله- معهد الموسيقي العربية..
وقد تعلّم من خلالها مختلف فنون العزف والتلحين علي اّلتي الأورج والبيانو ثم عاد مرة أخري لمعهد الموسيقي العربية بعد ذلك و إلتحق بقسم الأصوات لتعلم الغناء ثم إلتحق بكورال فرقة سيد درويش بقصر ثقافة الحرية سابقاً (مركز الإبداع حالياً) وشارك من خلاله في العديد من الحفلات الغنائية وعلي رأسها مهرجان سكندريات العالم والعيد القومي لمدينة الإسكندرية.
ثالثاً : رحلة الفن التشكيلي : وبدأت أثناء دراسته الجامعية بالإسكندرية حيث كان يدرس مادة الرسم الهندسي فبرع فيه وكان دائماً يحصل علي أعلي الدرجات وكان دائماً يلفت نظر أساتذته - جمال لوحات الرسم الهندسي لدرجة أنهم عند التخرج قاموا بعرض جميع لوحاته في معرض خاص بالرسم الهندسي كما حصل علي تقدير جيد جداً في مشروع التخرج وأدي ذلك إلي إهتمامه بتلك الموهبة فيما بعد فالتحق بمرسم قصر ثقافة الحرية سابقاً (مركز الإبداع حالياً) لتعلم ودراسة الفن التشكيلي وتخصص بعد ذلك في فن البورتريه والتصوير الفوتوغرافي الذي مارسه وإحترفه بالفعل وقام بالعديد من رحلات السياحة بهدف التصوير وزار خلال هذه الرحلات العديد من الدول في القارة الأوروبية والأسيوية وهذه الدول هي فرنسا وموناكو وإيطاليا والفاتيكان واليونان وماليزيا وتركيا وإندونيسيا ونيبال ولبنان وسوريا وسلطنة عمان وقبرص وجزيرة كورسيكا ـ وعاد منها بمجموعة كبيرة جداً من الصور الفوتوغرافية لهذه الدول وحالياً يقوم بإعدادها لعرضها في معرض خاص للتصوير الفوتوغرافي.
E-mail:gamalelbialy@rocketmail.com
E-mail:gamalahmedelbialy@gmail.com
ــــــــــــــــــــــــــــــــــــــــــــــــــــــــــــــــــــــــــــــ
**والآن عزيزى القارئ نلتقي مع
كتاب (أزاهير المسرح) وهو كتاب مسرحيات ـ من مؤلفات الأديب / جمال البيلي.
الزهــــــــرة الأولـــــــي
مسرحية : صــرخة .. بيـــــئة
المكان : مدينة الإسكندرية بجمهورية مصر العربية .
الزمان : في بداية الألفية الثالثة .
الشخوص
أحمد: ضابط بحرى ومدير مكتب ميناء الإسكندرية البحري .
نبيل : مهندس بحري يعمل في حقل السفن .
هدى : دكتورة في علوم البيئة .
جوزيف لوران : عالم كيمياء وفيزياء فرنسي ومن أصل عربي .
شارل دافيد : قبطان سفينة شحن فرنسية ومن أصل عربي .
ماري ريمون : عالمة كيمياء وفيزياء من أصل مغربي .
محمد : أحد الإداريين العاملين في مكتب محمود .
شخصيات ثانوية :
فرقة باليه للرقص والغناء تتكون من خمسة أطفال .
المشـهد الأول
المكان : علي رصيف ميناء الإسكندرية ويوجد بالمكان إحدي السفن ولافتة كبيرة مكتوب عليها : ميناء الإسكندرية .
الزمان : ظهراً .
(يفتح الستار وأحمد يتفقد المكان بهدوء وقد ارتدى زى ضباط البحرية .. ثم يدخل عليه محمد مسرعاً):
محمد : كله تمام ياسعادة الريس .. تمت السيطرة علي 80% من بقعة الزيت اللي اتسربت من سفينة الشحن الفرنسية ..
(ويدخل أثناء كلام محمد – نبيل وهدى ويقفان بجانب أحمد ومحمد)
أحمد (لهدى) : بصفتِك دكتورة في علوم البيئة .. تقدرى تدينى فكرة عن الخساير اللي حصلت ؟
هدى : أولا : جميع الأسماك والكائنات البحرية الموجودة في المنطقة ماتت كلها .وثانياً : معظم الطيور اللي بتعيش علي الساحل أيضاً ماتت برضه وثالثاً : جزء كبير من الرمال علي الشواطئ إتلوثت بالبترول وكل ده ح يأثر تماماً علي المكان والسياحة اللي فيه .
أحمد (لنبيل): وانت ياباشمهندس رأيك إيه؟
نبيل : والله ياباشا أنا عندى ملحوظة صغيرة وهيّة إن المكان دلوقتي أصبح يستحيل فيه الملاحة لأن أى مركب ح تمشي ف البحر الملوّث ده ح تتوقف محركاتها تماماً بسبب إزدياد معدل اللزوجة ف البحر وده طبعاً ح يأثر علي الملاحة في المنطقة كلها .
أحمد: أنا ح اورّيهم وح ادفـّعهم التمن غالي .
محمد (لأحمد): علي فكرة ياباشا كان فيه 3 أفراد منهم عايزين يقابلوا سيادتك .
أحمد : عايزين مني إيه؟ موش كفاية اللي عملوه؟
محمد : أعتقد إنهم عايزين يقدموا لنا إعتذار دولي رسمي وكمان عايزين يتكلموا ف التعويضات .
أحمد(بتهكم): خلـّيهم يشرفم ..
محمد : حاضر ياباشا . (ويخرج محمد)
(لحظة سكوت قصيرة يتخللها بعض القلق والترقب علي وجه أحمد وهدى ونبيل)
(ويدخل محمد بصحبة رجلان وامرأة: رجل منهما يرتدى مثل المرأة معطفاً أبيض اللون ونظارة طبية والرجل الآخر يرتدى ملابس قبطان)
محمد: (ويشير إليهم بيديه):إتفضلوا .. تعالوا..
محمد (لأحمد): أقدم لك ياباشا كابتن شارل دافيد قبطان السفينة وده مسيو جوزيف لوران ودى مدام مارى ريمون والإتنين علماء في مجال الكيمياء والفيزيقا.. (ويخرج محمد)
أحمد(بإنفعال وصوت مرتفع): أهلا وسهلاً ياحضرات ..
- إزاى ياناس يامحترمين يامتحضرين ياعلماء تتسرب م المركب بتاعتكوا كمية الزيت دى كلها؟!
شارل : إحنا آسفين جداً جداً وح نقدم إعتذار رسمي وتعويضات مناسبة .
أحمد(بصوت مرتفع): إعتذار إيه وتعويضات إيه ؟ إنتوا موش شايفين اللي عملتوه ؟ ده أكبر تلوث بيئي حصل ف البحر المتوسط كله .. جميع الكائنات ماتت .. الأسماك والطيور .. والرملة إتلوثت ..والموسم السياحي عندنا خلاص..(ويصفق بيد علي أخرى):إنتهي .. إنتم للأسف ماعندكوش دم ولا ضمير ولا أى إحساس بالمسئولية تجاه الغير .. بس فالحين كل شوية تتكلموا عن نظافة البيئة والمحافظة عليها ف العالم ..
جوزيف لوران (وقد شعر بالغضب والضيق): يعني انتوا اللي بتحافظوا ع البيئة؟
أحمد (بإنفعال): أيوة ياخويا بنحافظ عليها..
مارى: موش باين ..
أحمد: موش باين؟!
جوزيف لوران: أيوة .. بلدكوا حالياً تعتبر من أكبر بلاد العالم في نسبة التلوث البيئي .
أحمد: ياسلام..
جوزيف(بإنفعال): أيوة ياحضرة المحترم عندكوا أعلي نسبة تلوث في الجو ناتجة عن عوادم السيارات والمحركات ودخان المصانع وعندكوا نسبة كبيرة جداً من المدخنين وعندكوا أبشع صور التلوث وهو تلوث المحاصيل بالمبيدات الحشرية الضارة جداً وعندكوا المئات بل الألوف من مقالب القمامة الممتلئة بالحشرات في كل مكان وماحدش بيشيلها..وماحدش عندكوا بيحافظ علي نظافة بلده ..شوفوا الشوارع ولاّ الحدايق .. ولاّ حتي المساكن بقت عاملة إزاى؟
أحمد (مقاطعاً وبصوت مرتفع): طب شوفوا انتوا التلوث الخطير اللي عملته حضارتكم المحترمة .. آدى بقعة زيت مالهاش حل .. وشوفوا كمان النفايات السامة اللي بتدفنوها ف أراضي وبحور الدول النامية .. شوفوا التسرب الإشعاعي اللي حصل قبل كده ف أكتر من بلد متقدمة أو بتدعي إنها متقدمة .. شوفوا الشـُعب المرجانية اللي بتدمروها عندنا ف البحر الأحمر من غير أى سبب ..بلاش ف البحر الأحمر..شوفوا الشعـب المرجانية اللي 30%منها مات حالياً علي مستوى العالم من تحت راس حضارتكم المبجلة ..وجاى تكلمنى عن التلوث؟!..ده نص إنبعاثات العالم من أكاسيد الكربون والكبريت اللي بترفع درجة حرارة الجو مصدرها الدول الصناعية الكبري زى أمريكا والصين والإتحاد الأوروبي .
نبيل : ولاّ حرايق الغابات الموجودة ف كل مكان ف بلادكوا ..دى الأشجار اللي بتقطعوها عندكوا عشان تصنعوا منها الأثاث والورق بتسبب زيادة الإنبعاثات بنسبة 20% لأنها بتمتص ثانى أكسيد الكربون من الجو وياريت بتقطعوها عندكوا وبس ده انتوا شركاتكم كمان بتروح غابات أفريقياوبتاخد الشجر منها .
هدى : إنتوا موش عارفين إن زيادة درجة حرارة الجو حتى ولو درجة مئوية واحدة أو جزء منها بيؤدى إلى جفاف الأنهار والمياه الجوفية وبالتالي فشل الزراعة ف العديد من المناطق ف العالم وبالتالي حدوث المجاعات في كثير من بلاد العالم زى الصومال وكينيا وأثيوبيا وأوغندا وغيرها اللي إتعرضوا لأسوأ موجة جفاف في هذا القرن لدرجة إن العالم أصبح فيه حالياً أكثر من مليار جائع ده طبعاً بخلاف الوقود الحيوي اللي بتدمروا المحاصيل الزراعية كلها عشان تستخرجوه منها ..
نبيل : فيه حاجة تانية كمان .. إنتوا عارفين إن زيادة الكربون ف الجو بتؤدى إلي زيادة حموضة المياه ف الأنهار والمحيطات مما يؤدى إلى موت الشـُعب المرجانية وبالتالي موت العديد من الكائنات البحرية والأسماك اللي بتعيش وتتغذى عليها .. ياراجل ده 75% من الأماكن اللي كان موجود فيها السمك قبل كده مابقاش موجود فيها أسماك دلوقتى وموش بس كده ده إنبعاثات الكربون بترفع درجة حرارة الجو مما سيؤدى إلي ذوبان الجليد ف القطبين وبالتالي إرتفاع منسوب المياه ف البحار والمحيطات وبالتالي غرق العديد من المدن الساحلية المطلة علي البحر ف العالم زى دلتا النيل ف مصر وزى جزيرة رودس ف اليونان وفينيسيا ف إيطاليا وهولندا وبنجلاديش وساحل فلوريدا ف أمريكا ده 70% من سكان العالم بيعيشوا ف المدن الساحلية وعلي فكرة أكثر من 30% من الجليد ف القطب الشمالي داب فعلاً ..
هدى : ده من المتوقع كمان وفاة ربع الكائنات الحية وانقراضها بحلول سنة 2050 .. فاكرين جنون البقر اللي ظهر قبل كده عندكوا موش كان برضه بسبب التلوث اللي انتوا دلوقتى جايين بتحاسبونا عليه ؟؟
مارى : جنون البقر ده خلاص إنتهى وشوفوا انتوا بتعملوا إيه ف الدجاج عندكوا .. موش برضه بتحقنوه بالهرمونات ؟؟..
جوزيف: ده كل طعامكم مُلوث وعندكوا أطعمة كتيرة مليانة بالمواد الحافظة أو الملونة اللي بتسبب جميع أنواع السرطان ..
نبيل: إنتوا عارفين ف الفلبين لِسة بيصطادوا السمك بالديناميت لحد دلوقتى وبيقتلوا كل الشعب المرجانية هناك والحكومة مناك ما بتحاسبهمش ومابتعملهمش حاجة وكل الشعب المرجانية ف العالم متوقع تموت بنهاية هذا القرن .
أحمد: طب والتلوث السمعى ؟ موش إنتوا برضه اللي إخترعتوه؟
شارل: إحنا؟ التلوث السمعى ده ف البلاد المتخلفة بس .
نبيل : إزاى يا بيه ؟ ده انتوا اللي إخترعتوا الضجيج وضوضاء الماكينات والآلات ف المصانع من ساعة ما بدأت عندكوا الثورة الصناعية ..
هدى: والأغانى الصاخبة اللي بتصدروها لجميع أنحاء العالم ؟
مارى: الأغانى دى موجودة عندكوا برضه.
هدى : أيوة بس إنتوا اللي إخترعتوها .
مارى: معظم الإيقاعات الصاخبة المنتشرة ف العالم أصلها أفريقي زى موسيقي الجاز مثلا لأنها نشأت أيام وجود العبيد ف أفريقيا .
أحمد: بلاش كل ده.. شوفواالتلوث الأخلاقي اللي موجود عندكوا ف كل مكان وعمالين تصدروه للدنيا كلها شوفوا العلاقات المحرمة وإباحة الزنا بين الشباب وإباحة الإجهاض .. ده حتى الشواذ عملتولهم حقوق عندكوا وجوزتوهم لبعض ...
جوزيف: أعتقد إن الشذوذ موجود عندكوا برضه انتوا كمان ..
أحمد: لأ بس موش زى عندكوا . شوفوا الإيدز مثلاً موجود فين؟..
جوزيف: حضرتك ماتعرفش إن الإيدز أصلاً نشأ ف أفريقيا؟ ده معظم الأوبئة والأمراض الخطيرة نشأت ف قارتكم السوداء واتنقلت منها للعالم كله .
أحمد : طب والتلوث الثقافي؟ نشأ ف أفريقيا برضه؟
جوزيف : تقصد إيه بالتلوث الثقافي؟
أحمد : أقصد الفكر والنظريات والأيدولوجيات الهدامة اللي انتوا عمّالين تنشروها ف كل مكان .
جوزيف : زى إيه؟
أحمد: مثلاً عمّالين تشوهوا صورة الإسلام وتحاربوه ف جميع وسائل الإعلام عندكوا وفيه دول كتير بتروّج للعلمانية وإذا ماكانش ده ولاّ ده بتفضلوا تنحازوا لإسرائيل ف كل شئ وتنصروها ف كل المحافل الدولية علي العرب رغم إننا أصحاب حق .. ولاّ الإحتلال الثقافي اللي بتعملوه .. ده أخطر من الإحتلال الإسرائيلي .. ياراجل ده 20% بس من سكان العالم بيتحكموا ف 80% من موارد العالم كلها ..موش كل دى برضه مظاهر للتلوث الثقافي؟
نبيل : شوفوا موضوع طبقة الأوزون .
شارل: أولا: الإسلام أنتوا اللي شوهتوه بإيديكم من كترالعمليات الإرهابية اللي عملها المسلمين ف كل مكان وثانيا : موضوع غاز الأوزون العالم كله كان مسئول عنه .
نبيل : إزاى؟ مين اللي استخدم أصلاً غاز الكلوروفلوروكربون موش برضه البلاد المتقدمة وبعد كده صدّرت للعالم كله جميع المنتجات اللي بتحتوى عليه ده ناهيك بقي عن ظاهرة الإحتباس الحرارى اللي بيعاني منها العالم كله بسبب الغازات المنبعثة من مصانع الدول المتقدمة .
أحمد: إنتوا عارفين إن العالم المتقدم بيصرف علي تجارة السلاح بس قد صرفه علي مساعدة الدول النامية 12 مرة ..
(ويدخل محمد في المشهد ويقطع الحوار):
محمد: تقدروا تتفضلوا معايا دلوقتي ياجماعة .
أحمد : علي فين يابني؟
محمد : ح نروح نشوف بقعة الزيت وصلت لغاية فين دلوقتى وبعدين نرجع هنا تاني .
أحمد : ياللا بينا..إتفضلوا ..
(ويخرج الجميع من المشهد وتطفأ الأنوار وتبدأ فرقة الباليه في الدخول وقد ارتدت ملابس بيضاء مُلطخة بالطين لتـُعبر عن طيور البجع وتبدأ في الرقص والغناء)
الأغنية : إغتيال ..بيئة
إسمع ياللي بتنــــسف كــونك البــــــــــيئة أمانة ف إيديك
ليه بْتقتل أمنــها بجــــــنونك؟ إرحم حالها الله يـــــــخلـّيك
زرعك جيت ومليــته بسِــمّك خلـّيت العيــا يلــــــــعب بيك
والدوشة بقت حاجة ف دمّك والإزعاج ح يـــموّت فــيك
والهوا مابقاش شـئ بيهــمك والدخان راح يعـمي عيـنيك
والأكل ملـيته بألوانــــــــــــك ونسفت الأوزون حوالـــــيك
والمـَية من كـُتر جنــــــــانـك صبحت بتدمـــر كلاويـــــــك
والهرمون حطيته ف طيورك والتدخين سمـــــــــم رئـتيك
والبترول كبيته ف بحــــورك والحشرات عـــــمّالة تـئذيك
والذرّة .. من كـُتر غــرورك إشعاعها ف يوم راح يفنــيك
وزبالتك عمّال تحرســـــــــها وفـيرانها بقــــــــت بتسلـّيك
حتي الأخــــــــــــلاق بتلوّثها وضـميرك موش بيصــحيـك
ظلمك بقي له ألف طريــــــقة والكون اشتــكي من بلاويك
جهلك بقي دلوقتى خطـــــيئة بكرة حقيــــقي .. ح تـبكــّيك
طول ماسلوكك ضد البيـــــئة لازم ظلمك يجـــــني عليـــك
طول ماسلوكك ضد البيـــــئة لازم ظلمك يجـــــني عليـــك
(ويسدل الستار بنهاية الأغنية)
((وينتهي المشهد الأول))
المشـــــهد الثـــــانــى
الزمان : عصراً .
المكان : نفس المكان في المشهد السابق وتضاء الأنوار ثم يدخل من علي اليمين نبيل وهدى وأحمد علي الترتيب ليقابلوا في نفس اللحظة شارل ومارى وجوزيف علي الترتيب اللذين يدخلون من علي يسار المسرح ويقف الفريقان في مواجهة بعضهما البعض .
جوزيف : أعتقد ياكابتن أحمد إن البقعة تم السيطرة عليها دلوقتي بنسبة 85% .
أحمد: أيوه يامسيو . لكن آثارها موش ح تروح ف يوم وليلة دى ح تاخد لها شهور وربما سنين كمان .
(يـُخرج شارل ورقة كبيرة إلي حد ما من جيب جاكتته ويقدمها إلي أحمد )
شارل: كابتن أحمد ده إعتذار دولي رسمي من الحكومة الفرنسية عن اللي حصل من السفينة بتاعتنا..
أحمد : والتعويضات؟
شارل : ح نقدم لكم كل التعويضات اللي تطلبوها وح نبعت لكم أحدث الوسائل والمعدات اللي تساعدكم ف السيطرة علي البقعة وكمان ح نساهم معاكم في تنظيف الشاطئ وإعادة رونقه كما كان ..
نبيل: ليه البلاد المتقدمة ما تساعدش بلاد العالم الثالث بالمال والتكنولوجيا وبالثروة البشرية كمان عشان يساعدوها ف المحافظة علي البيئة زى ما هُمة بيعملوا ف بلادهم ؟..
هدى : وليه كمان العالم المتقدم ما يوجهش وسائل إعلامه لتوعية البلاد المتخلفة علمياً بدال ما يحاول فرض سيطرته عليها أو يسيبها ف ظلام الجهل والتخلف؟؟
جوزيف : بصراحة .. عندكم حق ف الكلام ده .. العالم كله موجود ف سفينة واحدة ياإما يستمر ف المسير مع بعضه يا إما يغرق كله مع بعضه لأن كل تلوث بيحصل ف أى مكان ممكن يكون له تأثير علي جميع بلاد العالم ولكن الواقع ف الحقيقة موش كله وحش فمثلا في أمريكا فيه أكثر من 180 مدينة إلتزمت بالفعل حالياً بتقليل الإنبعاثات الحرارية وبدأت ف إستخدام السيارات الكهربائية وبدأت ف الحصول علي الطاقة باستخدام طواحين الرياح وباستخدام الطاقة الشمسية كما بدأت في إعادة إستخدام ورق الصحف والمجلات القديمة عشان ما تقطعش الأشجار من أجل الورق أوصناعة الأثاث وهذا الإستخدام الجديد ف الطاقة قد تم إطلاق عليه إسم الثورة الصناعية الثالثة وعلي فكرة السويد كمان قامت بزراعة عدد كبير من الأشجار لتعويض الشجر اللي تم قطعه من قبل وده أثر كتير في خفض الإنبعاثات هناك ..
ماري: ومعهد علوم البحار كمان ف موناكو بدأ في إعادة زرع الشعب المرجانية ف المعامل علشان يرجعوا يزرعوها مرة تانية ف الأماكن اللي ماتت فيها الشعب في البحر وأتمنى إن العالم كله يساعد بعضه ف المحافظة علي البيئة بكل مايملك من طاقات وقدرات طبيعية وإقتصادية وبشرية وعلمية أيضاً .
شارل: وطبعاً موش بالضرورة تحصل كارثة بيئية عشان كلنا نساعد بعض ..لازم من دلوقتى الغنى يساعد الفقير والقوى يساند الضعيف والمتعلم يعلـّم غير المتعلمين .. موش ممكن أبداً يسود السلام أو المحبة أو التعايش في بيئة نظيفة إلا لما كلنا نساعد بعض .
أحمد: مدّوا إيديكم لينا واحنا نشيلكم جوّه عينينا ..
(ويمسك أحمد بأيدى شارل وهدي بأيدى مارى وجوزيف بأيدى نبيل ثم يُمسك الجميع بأيدى بعضهما البعض ويقفون في صفٍ واحد علي المسرح بحيث يقف نبيل ثم هدى ثم أحمد ثم شارل ثم مارى ثم جوزيف)ويقولون في صوت واحد:
- العالم كله في خدمة البيئة .
(وفي نفس اللحظة تبدأ موسيقي أغنية الختام التي يغني فيها أحمد مع مارى بالإشتراك مع نبيل وهدى وشارل وجوزيف).
الأغنية: (إصحي .. ياظالم)
-------------------------
إصحي ياظالم .. ياإنســـــــــان وارفع ظلمـك ده عن البيئة
ليه بْتنسف أجمل بســـــــــــتان وتلوّث ف أعـز صديـــــقة؟
موش معنى إنك تبني حضارتك إن الكون ده يكون مقـبرتك
علـــــمـك ده لو كان طــــــوفان جهلك برضه ح يبقـي حقيقة
إصحي ياظالــم .. ياإنــــــــسان وارفع ظلمك ده عن البيئــة
* * * * *
كل ماعلمــــك زاد واتـــــطوّر وعرفت كتيـــر عن أســـراره
كل ما قلـــبك ده بيتـــــــــحسّر م اللي عرفته ..عن أضـراره
علمك بقي من كتر جنــــونك أكتر شئ بيضــر ف كونـــــك
وحياتك صــبحت بركــــــــان بـــيدمــر فـــيك كل دقيــــقـة
إصحي ياظالم .. ياإنســــــان وارفع ظلمك ده عن البيئــــة
* * * * *
بيئتك معنى وجودك فــــــيها ليه بجهالتــــــــــــك بتلوّثها؟
لو مابقتش ف يوم تراعيـــها مين بقي غيرك راح يحرسها؟
طول ماهى دايماً فيهـا مكانـك إرفع عنها إيــدين طغـــيانك
عيش علشــــانها ف كل أوان واحمى صورتها بكل طريقة
إصحي ياظـالم .. ياإنســــــان وارفع ظلمك ده عن البــيئة
* * * * *
(ويسدل الستار بنهاية الأغنية)
((وينتهي المشهد والمسرحية))
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الزهــــــــــرة الثانــــيـــــــة
مسرحية : إسكــــندرية .. المحــــبوب
المكان : مدينة الإسكندرية بجمهورية مصر العربية .
الزمان : في عهد محافظ الإسكندرية الأسبق اللواء / محمد عبد السلام المحجوب وفي فترة حكم الرئيس الأسبق محمد حسنى مبارك .
أشخاص الأوبريت
محمود : شاب مصري وسيم ومثقف لأقصي حد .
ماجي ويلكنز : مستشرقة أمريكية جميلة ومثقفة .
جورج أرنولد : شاب أمريكي نحيل القوام .
دون أرمسترونج : رجل عجوز أمريكي يتسم بالثقافة والحيوية والنشاط .
جون ماكلويد ومارى أوينز : مستشرقان أمريكيان مثقفان .
نكرات: حسين ومحمد وعادل المصري ووالد ووالدة محمود والراقصون والموسيقيون والكورس و الخادمة .
المشــهد الأول
الوقت : في الصباح والمنظر داخل حديقة المنتزة بجوار قصر المنتزة وفي وسط الأشجار والزهور وتوجد بعض الكراسي الخشبية الخاصة بالمكان .
((يفتح الستار وشباب الكورال يغنون أغنية جماعية وتدخل الفرقة الإستعراضية وترقص معها))
الأغــــنية : (عروسـة الـــبلاد)
إسكندرية الجمـــــــــيلة حلوة ..ف توبها الجديد
إسكندرية الأصـــــــــيلة أجمل مكان ف الوجــود
صحيت يامحجوب شبابها حلـّيت بإيدك دروبــــها
خلـّيت جمالها يعــود
إسكندرية الجمــــــــيلة حلوة .. ف توبها الجـديد
* * * * *
من يوم يا محجوب ماجيتها عمّال تزوّق صورتهـا
غيرت فيها المعـــــالم خلـّيتنا عايشـــين ف جنة
واللي يجيلها ده لازم يشوف جمالهـا ف عيونـّا
عمّال يومــاتي .. يزيد
إسكندرية الجمـيــــــلة حلوة .. ف توبها الجــديد
* * * * *
ع البحر الأبيض علامة واخدة .. من الحسن ياما
أروع مكان للسيـــــاحة عشــــــــــاقها بالملايــــين
عشان جمالها بصراحة مالى .. قلوبهــــــم حنــين
والسحر فاق الحدود
إسكندرية الجـــمــــــيلة حلوة.. ف توبها الجـديد
* * * * *
مهما .. يمر الزمـــــان صورتها برضـه .. جنان
إسكندرية النهـــــــارده عــــدت مدايـــــن أوروبا
بقت علي الشـــط وردة بتزيـــد جـمال حبّة حبّة
وتفوح بعطر الخلود
إسكندرية الجــــــميلـة حلوة .. ف توبها الجديد
* * * * *
(تنتهي الأغنية وتخرج الفرقة الإستعراضية من المشهد)
(يدخل حسين بسرعة .. ويتلفت يميناً ويساراً ثم ينادى)
حسين : أستاذ عادل .. ياأستاذ عادل .. أستاذ عادل ..
(يدخل في هذه اللحظة زميله محمد)
محمد : مالك ياحسين؟ .. فيه إيه؟
حسين : ماشوفتش الأستاذ عادل المصري مدير شركة
The Beautiful Tours
The Beautiful Tours
محمد: لسّة كنت شايفه من شوية.. ليه ؟ عايزه ف حاجة؟
حسين : فوج الأمريكان وصل وعايزينه دلوقتي حالاً .
(يدخل عادل المصري في هدوء)
محمد : أهو جه . (ويخرج محمد)
حسين (بلهفة) : أستاذ عادل .. فوج الأمريكان وصل الجنينة ومحتاجين مرشد سياحي معاهم.
عادل: إنده لي الأستاذ محمود بسرعة .(ويخرج حسين)
(لحظة سكون يبدو فيها الإهتمام علي وجه عادل)
(يدخل الأستاذ محمود مسرعاً)
عادل : محمود تعالي .. فوج السُواح الأمريكان وصل الجنينة دلوقتى.. والفوج ده مكون من 15 فرد من ضمنهم 5 أفراد من جامعة هارفارد ودول من المستشرقين وجايين يتعرفوا علي تاريخ مصر وحضارتها .. عايزك دلوقتي تقابلهم وتدّيهم فكرة مبسطة عن تاريخ إسكندرية وحضارتها القديمة مع معلومات شاملة عن إسكندرية في العصر الحالي وخصوصاً في عهد المحجوب .
محمود: تحب أقابلهم كلهم دلوقتي ولاّ اروح أقابل الخمسة المستشرقين دول بس؟
عادل: قابلهم كلهم ف الأول وبعد كده ركز كل إهتمامك علي المستشرقين دول لأنهم أكتر ناس يهمونا ف الفوج عشان دول جايين يدرسوا تاريخنا وحضارتنا ف الماضي والحاضر وعايزينهم ياخدوا فكرة كويسةعن بلدنا .. وأنا ع العموم ح احاول أساعدك واتكلم مع باقي الفوج .
محمود: طبعاً المستشرقين دول بيتكلموا عربي مش كده ؟
عادل : ضروري . وحتي لو بيتكلموا إنجليزى أنا عارف إنك ممتاز ف اللغات وممتاز أكترف التاريخ .
محمود : الله يخلـّيك ياأستاذ عادل .. أنا تلميذك .
(يدخل حسين مسرعاً)
حسين : أستاذ عادل .. الأمريكان دلوقتي بيتفرجوا علي الجنينة تحب أخلـّيهم يجولك هنا؟
عادل: ياريت ياحسين . (ويخرج حسين)
(لحظة ترقب وسكون من عادل ومحمود)
(ويدخل 5أفراد : ثلاثة رجال وامرأتان يرتدون البنطلونات الجينز وبعضهم يرتدى القبعات .. ويسارع محمود وعادل باستقبالهم بحفاوة)
محمود: welcome.. Welcome.. أهلاً وسهلاً .. أهلاً وسهلاً .. إسكندرية نوّرت (ويسلم عليهم بيده)
محمود: محمودmy name is - مرشد سياحي مصري ومن إسكندرية وده الأستاذ عادل مدير شركتنا the beautiful tours )) (يتقدم عادل ويسلم عليهم بيده)
عادل: welcome.. Welcome to
EGYPT
How do you do
ماجى: ..how do you do Adel
ـ أنا إسـمى ماجى ويلكنز .. مستشرقة أمريكية من جامعة هارفارد ودول زملائي ف ال University: مستر جون ماكلويد ومستر دون أرمسترونج ودى مدام ماري أوينز زوجة مستر دون وده مستر جورج أرنولد صديقي وزوج المستقبل .
ـ أنا إسـمى ماجى ويلكنز .. مستشرقة أمريكية من جامعة هارفارد ودول زملائي ف ال University: مستر جون ماكلويد ومستر دون أرمسترونج ودى مدام ماري أوينز زوجة مستر دون وده مستر جورج أرنولد صديقي وزوج المستقبل .
- عادل ومحمود معاً : أهلاّ وسهلاً .. أهلاً وسهلاً ..
- محمود: It is very nice to see you
- الأمريكان معاً : Thank you so much
- ماجي:(في لهجة عربية سليمة): إحنا علي فكرة عندنا معلومات كويسة عن بلادكوا وجايين نعرف المزيد.
- محمود: وأنا تحت أمركوا .. أنا ح اديلكوا فكرة كاملة عن إسكندرية القديمة وإسكندرية المعاصرة في عصر المحجوب .
عادل: أمال فين بقية الفوج؟
جون: بيتفرجوا علي الحديقة .
عادل : طيب أنا ح اروح دلوقتى أستقبلهم وادّيهم برضه فكرة عن الجنينة وبعض المعلومات عن إسكندرية وأسيبكوا بقي مع الأستاذ محمود دلوقتي وهوّه ح يقول لكم علي كل حاجة ف إسكندرية .. بعد إذنكوا ياجماعة ..
الأمريكان (معاً) : إتفضل يا أستاذ عادل .. (ويخرج عادل)
محمود: إتفضلوا ياجماعة (ويشير محمود إلي الكراسي الخشبية فيجلس الجميع ويجلس هو معهم)
محمود: أعزائي الكرام . الإسكندرية واحدة من أكبر المدن في جمهورية مصر العربية وأكبر ميناء فيها وتعتبر العاصمة التانية لمصر بعد القاهرة كما تعتبر أعظم مراكز الإصطياف علي شاطئ البحر الأبيض المتوسط ..
سمّيت بالإسكندرية نسبة إلي الإسكندر الأكبر المقدونى اللي أمر بإنشائها سنة 332 قبل الميلاد في موقع قرية صغيرة إسمها راقودة عشان تكون عاصمة لملكه في مصر وميناءاً بحرياً قريباً من بلاده ومركزاً للثقافة والحضارة الإغريقية .
ماجى: أعتقد إن إسكندرية ظلت عدة قرون بعد إنشائها مركزاً للإشعاع الفكرى والحضاري ف العالم كله واحتلت مكانة مرموقة في تاريخ الإنسانية .
محمود : مظبوط ومن المعلومات المهمة برضه إن إسكندرية إحتضنت الديانة المسيحية في عصورها الأولي وكانت أحد 3 مراكز كبيرة للمسيحية مع روما والقسطنطينية علي مستوى العالم
أرمسترونج: الجو هنا ماحصلش ..
محمود: فعلاً لأن إسكندرية بتمتاز بجمال موقعها وإعتدال مناخها كما تتميز بشواطئها الرملية الناعمة والجميلة اللي بتمتد من العجمي غرباً إلي أبو قير شرقاً .
جون ماكلويد: أنا علي فكرة جيت هنا مرتين قبل كده وأنا واحد من عشاق إسكندرية وساعات بابقي عايز أعيش فيها علي طول وآخر مرة جيت فيها كتبت أغنية عنها بالعربي وبالعامية كمان.
محمود: إنت بتألف أغانى؟
جون: دى حاجة صغيرة علي قدى .
محمود : طب ماتسمّعنى..
(تبدأ الموسيقي ويبدأ جون ماكلويد في الغناء معها)
الأغنية : (إسكندرية ست الكل)
إسكندرية ياست الكل
أجمل بلد ع البحر تطل
الجو فيها مالوهش مثـيل
والبحر فيها ده مالهوش حل
أحلي مدينة وكل سفيــنة
تشتاق تزورها ف كل زمان
إسكندرية ياست الكل
* * * * *
عشاقها دايماً بالملايين
عرب .. أجانب .. مصريين
بيلاقوا فيها جمال الروح
ويحبوا ناسها العشريين
جمالها نادر
ف أى مكان
شاطئها ساحر
ف كل أوان
أحلي مدينة وكل سفينة
تشتاق تزورها ف كل زمان
إسكندرية ياست الكل
* * * * *
الجو ف الشتا ولاّ الصيف
خلاّها أحلي مكان للضـيف
بيحس فيه بحلاوة الكون
ويشوفه دايماً دمه خـفيف
جمالها نادر
ف أى مكان
شاطئها ساحر ف كل أوان
أحلي مدينة وكل سفـينة
تشتاق تزورها ف كل زمان
إسكندرية ياست الكل
* * * * *
----------------------
(تنتهى الموسيقي والأغنية ويعود محمود للحديث بعد أن يصفق الجميع لجون)
محمود : بالنسبة للحدايق ف إسكندرية : تتميز إسكندرية بحدايقها العامة الجميلة وأهمها : أولاً : حديقة النزهة وبتشتمل علي عدة حدايق جوّاها زى حديقة الورد والاطفال وحديقة الحيوان اللي فيها مجموعة نادرة من الحيوانات وحديقة أنطونيادس ذات النمط الهندسي والتماثيل الرخامية المصممة علي الطرازين اليونانى والرومانى ده بالإضافة إلي قصر أنطونيادس .
محمود: ثانياً : حدايق قصر المنتزة ودي اللي إحنا فيها دلوقتي وبتمتاز بوجود الأشجار والنخيل والشواطئ الجذابة وكمان فيها فندقين ومتحف وإستراحة وشاليهات ومطاعم .
جورج: وحديقة الشلالات ؟
محمود : أيوه ودى ثالثاً : وحديقة الشلالات بتمتاز بالقنوات المائية التي تتخللها وكمان فيها بعض أجزاء من سور إسكندرية القديم .
ماري : وماذا عن الحديقة الدولية؟
محمود: نيجى بقي لرابعاً وهى الحديقة الدولية وقد أضيفت حديثاً في مدخل الطريق الصحراوى علي مساحة 130 فدان وأصبحت منطقة جذب خضراء و مَعلمَاً من معالم إسكندرية السياحية لما تمتاز بيه من أنشطة ترفيهية وثقافية ومعارض وألعاب مائية وكمان فيها نماذج لاهم المعالم السياحية هنا وفيها كمان مسرح .
ماجي: أعتقد إن المحافظ عندكوا عمل تطوير وتجديد كبير في الحدايق دى كلها .
محمود: فعلاً تم تجديد وتطوير حدايق قصور المنتزة وأنطونيادس وحديقة النزهة عشان تكون مناطق جذب سياحي وعشان كمان تقام فيها جميع المهرجانات والإحتفالات المهمة .. وبالنسبة لمنطقة النزهة تم تجميل مدخل مطار النزهة وعمل سور بالشكل الفرعوني مع زراعة حديقة المسلة وكمان ف عهد المحجوب تم إنشاء العديد من الحدايق العامة في أكبر ميادين الإسكندرية بعد تطويرها زى ميدان الشهداء ف محطة مصر وميدان الخديوى وميدان سعد زغلول وميدان المنشية وميدان المساجد وميدان البيطاش وميدان المندرة وغيرهم من الميادين الشهيرة عندنا .
محمود: وشمل التطوير أعمال الرصف وإقامة مواقف للسيارات وإقامة العديد من النافورات مع تزويدها بالإضاءة الحديثة وتم إنشاء العديد من الكافيتريات فيها وعمل أماكن للجلوس بين الأشجار وأيضاً تم طلاء وترميم جميع المباني كما تم مد شبكات الطرق والصرف الصحي وتم إنشاء العديد من الأنفاق والكباري لتسهيل حركة المرور وتم تجديد مواسير الكهرباء والتليفونات وبنفس الإسلوب تم إنشاء وصيانة وتوسيع وتجميل طرق ومداخل الإسكندرية .
(تلوح في عيني ماجى نظرات إعجاب بشخصية محمود وثقافته ويشعر محمود بها)
(وفي نفس الوقت يلاحظ جورج إعجاب ماجى بمحمود فيشعر بالغيرة )
جون : أنا ملاحظ إن المحافظ عندكوا راجل نشيط وعملي لأقصي حد .
أرمسترونج: أنا سمعت عنه كلام حلو جداً.
جورج: فعلاً بيقولوا هنا إنه بقي محبوب جداً من الناس كلها لأنه غير وطوّر كتير ف إسكندرية .
محمود: ماعندكش فكرة قد إيه الناس كلهم هنا بيحبوه وأطلقوا عليه إسم المحبوب بدل المحجوب .
(ويصمت محمود قليلاً)
محمود: والآن أصدقائي الأعزاء تحبوا تتفرجوا علي شاطئ المنتزة ؟
ماجى : هوه هنا فيه شاطئ؟
محمود : أيوة طبعاً .. ده واحد من أجمل شواطئ إسكندرية .
المستشرقون الخمسة معا : ياللابينا نتفرج عليه .
(ويخرج الجميع معاً من المشهد وينتهى المشهد الأول ويسدل الستار)
المشــــهد الثــــانى
الوقت : في الصباح والمنظر داخل قلعة قايتباى وتوجد 3أبواب (علي اليمين وعلي اليسار وفي المنتصف) بالإضافة إلي باب القلعة نفسه ويدخل ويخرج الممثلون من تلك الأبواب .. كما توجد بعض الكراسي الخشبية الخاصة بالمكان .
(يفتح الستار وشباب الكورال يغنون أغنية جماعية ترقص معها الفرقة الإستعراضية التي تدخل المشهد)
الأغنية : (أبناء المجد)
------------------------
إحنا ولاد الفراعــــــــنة أعظم شعـب وحضــــارة
إحنا اللي ف يوم صنعنا للــــــــــــكون أول منارة
كتبوا جدودنا تاريـــــــخ مليــــــــان فخر وشموخ
صنعوا للخـُلد معـــــــنى نالوا المــــــــــجد بجدارة
إحنا ولاد الفراعـــــــــنة أعظم شعــــــب وحضارة
* * * * *
أول حرف ف كتــــــاب كتبه المصــــــــري بإيده
شق بنوره الضــــــباب علشان يثبــت وجـــــوده
كنا .. دايماً شـــــمــوع نورها ف كل الربــــــوع
حتي الفن إخــتراعــــنا نطقت بيه الحـــــــــجارة
إحنا ولاد الفــراعـــــنة أعظم شــعب وحضـــارة
* * * * *
ياما عاشــــــــت بلادنـا تبنى القيم النبـــــــــــــيلة
كانوا دايمــــــاً جـدودنا رمز الخير والفضـــيــــلة
أرضنا مهد المـــــبـادئ شعبنا طيــــــــب وصــادق
دايماً كـُرمة ف طباعـنا والجود ليـــــــنا أمـــــــارة
إحنا ولاد الفراعنــــــــة أعظم شعـــــب وحضــارة
* * * * *
(تنتهى الأغنية وتخرج الفرقة الإستعراضية)
(يدخل محمود ومعه المستشرقون الأمريكان في ملابس أخرى)
ماجى: (لمحمود): أعتقد إنك ح تكلمنا دلوقتى عن الآثار وخاصة قايتباي Castle
محمود: That is right إتفضلوا (ويشير محمود لهم بالجلوس فيجلسوا معه)
محمود:أهم المناطق الأثرية والمزارات السياحية التاريخية ف إسكندرية هى كالآتى :
- أول حاجة عندنا قلعة قايتباى ودى اللي إحنا فيها دلوقتي وبتقع في خليج الأنفوشي وفي الطرف الشمالي لمدخل الميناء الشرقي وقد أقيمت ف الموقع اللي أقيمت فيه منارة إسكندرية القديمة وقد بنيت ف القرن الخامس عشر وهى مكونة من 3 طوابق وعلي نظام قلاع العصور الوسطي في مصر .
ماري : أعتقد إن هنا فيه متحف بحرى .
محمود: فعلاً . وقد أقيم جوّه القلعة لإحياء تراث إسكندرية البحرى القديم .
(تزداد نظرات الإعجاب بمحمود في عيون ماجى وتشعر بألفة ومودة تجاهه ويشعر محمود أيضاً بإنجذاب نحوها)
(وفي نفس الوقت تشتعل الغيرة في قلب جورج)
ماجى: ماحدش قال لك يامحمود إنك
• very good personality
محمود: thank you ماجي وانتي كمان
• very good womanيكفينى بس إنى أشوفِك وانتِ بتسمعى باهتمام بالغ لكل كلمة باقولها وده يدل علي إنك إنسانة متحضرة جداً وبتحبي العلم والتاريخ والثقافة .. أنا حاسس إنك حبيتي إسكندرية ..
ماجى: جداً يامحمود .. ده أنا حبيتها حتى من قبل ماأجيلها من كتر اللي قريته عنها .
(تزداد نظرات الإعجاب بين محمود وماجي)
(يتدخل جورج مقاطعاً وقد امتلأ غيظاً وغيرة)
جورج: نستأذن إحنا دلوقتى ياأستاذ محمود وكفاية علينا كده النهارده.
(يفهم محمود موقف جورج منه ومن ماجى)
محمود(للجميع): تحبوا ترجعوا دلوقتى ياجماعة؟
أرمسترونج: (متعجباً): نرجع؟ إزاى؟أنا مستمتع جداً بالمكان ومستمتع أكتر بالحديث الشيق جداً للأستاذ محمود .
ماري: مالك ياجورج؟إحنا لحقنا؟ ده احنا لِسّة جايين ..
جورج(محاولاً إخفاء غيرته):أنا بصراحة مابارتحش دايماً لما باروح أى مكان فيه قلعة وباتخنق قوام حتى لو كانت القلعة دى عندنا ف أمريكا ..
دون أرمسترونج(ضاحكاً وقد فهم موقف جورج): ليه ياجورج إنت بتخاف م القلاع؟!
جورج: (متهكماً): لا ياخويا ماباخافش منها .
دون: أمال إيه بقي؟
جورج(بإنفعال): قلت لك مابحبش أتفرّج عليها .. مابحبهاش .. موش عايز أشوفها ياأخى ..
جون: أمال إزاى بقي ياراجل بتدرس تاريخ وآثار؟!
جورج: يووه ..إنتوا ح تعملوا لي تحقيق؟.. موش طريقة دى ..
جون : إن كنت متضايق ياأخى تقدر تتمشي شويةع البحر وتجيلنا كمان شوية ..
جورج: خلاص . خلاص . (ويجلس جورج علي كرسي بعيد يبعد قليلاً عنهم ويتناول كتاب ولكنه في نفس الوقت يرقب كل مايدور بين ماجى ومحمود)
أرمسترونج: ياريت تكلمنا بقي يامحمود عن عمود السوارى ..
محمود: عمود السوارى عبارة عن عمود ضخم من الجرانيت بإرتفاع 25متر وأقيم في سنة 297ميلادية لتخليد الإمبراطور الرومانى(دقلديانوس) ويعتبر هذا الأثر من العلامات المهمة للعصر الرومانى .. ويقع عمود السواري وسط أطلال معبد السرابيوم في حى كرموز وقد أقيم في عهد (يوستيموس) حاكم مصر اللي أهداه للأمبراطور (دقلديانوس) تخليداً لذكراه زى ماقلت لك .
جون: وماذا عن المتحف اليونانى الرومانى؟
محمود: المتحف اليونانى الرومانى بيرجع إنشاؤه لعام 1895 ويحتوى علي مجموعات رائعة من النقوش والشواهد الجنائزية اللي بيرجع تاريخها من القرن التالت قبل الميلاد وحتى القرن الخامس الميلادى وهذه الآثار بتمثل إمتزاج الحضارة المصرية القديمة بفن النحت الروماني اليونانى .
ماجى(وقد بدأت تشعر بمشاعر الألفة والحب تجاه محمود):
- إحنا عاملين برنامج كامل لزيارة جميع الآثار القديمة وطبعاً ح تكون موجود معانا فيه مش كده؟
محمود: أكيد ياماجى .وح اقدم لكم كل ما أعرفه من معلومات تاريخية عنها .
مارى: وماذا عن المسرح الرومانى؟
محمود: المسرح الرومانى بيقع في منطقة محطة مصر وهوّه عبارة عن مسرح صغير تم إكتشافه حديثاً في سنة 1964 ميلادية ويعتبر الأثر الوحيد من نوعه في مصر ويرجع تاريخه للقرن الثاني الميلادى ويحتوى علي 12 مدرج من من الرخام تشكل نصف دايرة وتضم منطقة المسرح بعض الحمامات والمنازل الرومانية ف العصر الروماني .
ماجى: وياترى إنت بتقضـّي كل وقتك بين الآثار دى كلها ولاّ عندك هوايات تانية؟
محمود: أنا حالياً بادرس موسيقي في معهد الكونسيرفتوار وباتعلم العزف علي آلة البيانو .
ماجى: very goodيامحمود .. هايل .. وأنا كمان كنت باغنى مع فرقة الجامعة مدة طويلة لغاية مااتخرجت وبعد كده إنشغلت في دراسة تاريخ العرب بشدة لدرجة إنى سيبت كل هواياتي عشانها ..
محمود: طيب ماتسمّعينا صوتِك يا ماجى ف أغنية ولاّ حاجة ..
((تبدأ موسيقي رومانسية خفيفة وتبدأ ماجى في الغناء معها باللغة الإنجليزية))
الأغنية:((Love for ever
I love you
I love you
But I do not know if you love me or no
If you loved me I will give my life to you
I love you
* * * * *
When I saw you in the garden I saw my dreams in your eyes and
I hoped that you will always be there
I love you
* * * * *
Please do not go away from me and let me loving you for ever
I love you .
* * * * *
I love you .
* * * * *
(تنتهى الأغنية ويصفق الجميع لماجى وخاصة محمود الذي بدأ يشعر بمشاعر الحب والألفة تجاه ماجى)
جون ماكلويد: مستر محمود .. ياريت بقي تكلمنا عن متحف المجوهرات الملكية .
جورج(مقاطعاً ومحاولاً أن يدخل في منافسة ثقافية مع محمود): متحف المجوهرات الملكية بيقع في حي زيزينيا وهو قصر تم تشييده سنة 1919 ويعتبر تحفة معمارية رائعة وكان بيخص الأميرة فاطمة الزهراء إحدى أميرات الأسرة الملكية وقد صُمم طبقاً للطراز الأوروبي في القرن ال 19 وهو مزخرف بوحدات فنية ذات مستوى رفيع وبيضم مجموعة كبيرة من المجوهرات الخاصة بالأسرة الملكية وكلها من التحف النادرة الثمينة اللي اشتهرت بيها الأسرة إبتداءاً من محمد علي باشا إلي الملك فاروق .
مارى : أعتقد إن فيه عندكوا يامحمود متحف تاني إسمه متحف الفنون الجميلة موش كده؟
محمود(وقد أحس بمنافسة جورج له): فعلاً يامارى وده بيقع في منشية محرم بك وبيضم عدد كبير من أعمال النحت والتصوير وفن المعمار ويقام فيه العديد من المعارض للفنانين المعاصرين من الأجانب و المصريين .
محمود: ليه؟ هوّه انتِ فنانة تشكيلية ولاّ إيه؟
مارى: أيوة بس موش لدرجة الإحتراف أنا هاوية فقط .
دون أرمسترونج: وماذا عن الآثار الدينية؟ أنا أعرف إن عندكوا آثار إسلامية ومسيحية تاريخية..
محمود: فعلاً يادون وأهم الآثار الإسلامية اللي بتتركز في حي الجمرك مسجد أبو العباس وبيقع في منطقة الأنفوشي ويعتبر من أهم معالم إسكندرية السياحية والإسلامية بمنارته المرتفعة وقبابه الأربعة .
جون: والآثار المسيحية؟ (ويتدخل جورج مقاطعاً)
جورج: من أهم الآثار المسيحية كنيسة القديس مرقص اللي بناها القديس(مرقص الإنجيلي) أحد تلامذة السيد المسيح وأول من بشـّر بالدين المسيحي في مصر ودى كانت أول كنيسة تقتم في قارة أفريقيا كلها .
ماجى: موش معقول . دى لازم نزورها .
محمود: رتبوا إنتوا برنامج زيارتكوا مع بعض وأنا تحت أمركوا .
جورج(مقاطعاً): مستر محمود إحنا موش عايزين نتعبك أكتر من كده .. سيب لنا إنت البرنامج واحنا ح نتصرّف .
جون(بسرعة): إزاى ياجورج ننفذ البرنامج ومستر محمود موش معانا؟
جورج: ماهو مستر عادل مدير شركة السياحة ح يكون موجود معانا .
محمود: الأستاذ عادل مشغول علي طول وصعب إنه يحضر أى برنامج دلوقتي .
جورج: خلاص موش مهم . إحنا ح نتصرّف .
مارى: نتصرّف إزاى بقي ياجورج؟
أرمسترونج: أنا موش رايح أى مكان إلا في وجود مستر محمود .
محمود: خلاص ياجماعة O.K إتفقنا .
(تبدأ الموسيقي ويبدأ شباب الكورال في غناء أغنية جماعية وتدخل معها الفرقة الإستعراضية داخل المسرح)
الأغنية: (عظمة تاريخ)
ياللي ماشوفتش مجـد أثارنا ياللا تعالي وشوف عظمتنا
قول للعالم كلــــــــه يزورنا علشان يعرف يوم حضارتنا
لِف وشوف متاحفنا الغالية شوف مساجدنا الشامخة العالية
ولا إتفرّج علي قلعتـــنا
ياللي ماشوفتش مجد أثارنا ياللا تعالي وشوف عظمتنا
* * * * * *
زور متحفنا .. الـيوناني ولاّ المســـــــــــرح الرومــانى
شوف عملوا الأجداد إيه فيهم واتعرّف بعمود سواريهم
روح لابو العباس تحفتنا
ياللي ماشوفتش مجد أثارنا ياللا تعالي وشوف عظمتنا
* * * * * *
شوف أمجادنا فخر جدودنا إزاى عاشت .. تبني خلودنا
متحف لجواهر تاريــخـــية مـــــــتـحف لفنونـّا العالمــية
مكتبة ياما كانت منارتنا
ياللي ماشوفتش مجد أثارنا ياللا تعالي وشوف عظـمتنا
* * * * * *
(تنتهى الأغنية وتخرج الفرقة الإستعراضية)
جون ماكلويد: مستر محمود كلمنا بقي عن إنجازات المحافظ المحجوب في مجال الآثار .
محمود : بالنسبة للآثار تم ترميم وتطوير وإنارة جميع المعالم السياحية الأثرية زى المتحف اليونانى الرومانى ومتحف الفنون الجميلة وأيضاً تم تطوير وتجميل ميدان المساجد بأبي العباس وإظهاره بالمظهر الحضارى والسياحى اللي يليق بقدسية المكان ويجعل منه مزاراً سياحياً لجميع السائحين من كل مكان وأيضاً تم تطوير وتجميل مبنى قلعة قايتباى ومبنى حلقة الأسماك ومكتبة البلدية .
ماجى : ومكتبة البلدية دى نلاقي فيها الكتب اللي نحتاج إليها؟
محمود : أكيد طبعاً .. دى من أقدم وأعرق مكتبات إسكندرية لكن الأكبر والأعظم منها مكتبة إسكندرية التاريخية .. أعظم وأشهر مكتبة ف التاريخ ودى لها حكاية كبيرة وطويلة تحبوا تسمعوها؟
(ويبدو علي محمود بعض التعب والإرهاق)
ماجى: أنا حاسة إنك بدأت تتعب .. ماتيجى نستمتع بسماع شوية موسيقي ونغنى سوا..
محمود : ياريت . أنا عارف إن صوتك جميل .
(تبدأ موسيقي رومانسية راقصة ويبدأ محمود وماجى في الغناء والرقص معاً )
الأغنية:
(أول رقصة)
هو/ تفتكرى فيه حد يصـدّق
إن أنا وانــتِ ف أول رقصة؟
هى/أنا عايشة ف حلم بيتحـقق
أنا دلوقتى بحُبك حاســـــــة
هو/حاسس إنى ف يوم حبيتِـك
من قـبل مانتقابلواهويتِك
هى/حاسة معاك وانا باسـمع صوتك
إننا كان لنا ف الهوى قصة
هو/تفتكرى فيه حد يصدّق
إن أنا وانـــــتِ ف أول رقصة؟
* * * * * *
هو/قلبي وقلبك بينهم همــــس
حاسة معايا بهمس قلوبـــنا؟
هى/أنا حاسة .. من كتر الرقـص
إن الحـب خـلاص دوّبنا
هو/روحى وروحِك بقوا روح واحدة
هي/قلبي أصبح نارمابتهدى
هى/كده من أول نظرة ولمسة
هو/تفتكرى فيه حد يصدّق
إن أنا وانتِ ف أول رقصة؟
* * * * * *
هي/غمّض بقي دلوقتى عيونك
وتعالي نعيش ف الأحلام
هو/خلـّي حنينى ويّا حــــــنينِك
يملا الدنيا غرام ف غرام
هى/أنا حاسة بحبك ف عروقي
هو/الفرحة بترقص مع شوقي
هو/والحب بيهمس لنا همسة
هو/تفتكرى فيه حد يصدّق
إن أنا وانـتِ ف أول رقصة؟
* * * * * *
(تنتهى الأغنية ويشعر كلٌ من محمود وماجى بعمق مشاعر الحب التي تجمعهما ويجلسان معاً وهما ممسكان بأيدى بعضهما .. بينما يستأذن جورج متعللاً بتفقد القلعة)
ماجى: I love you بحبك يامحمود.
محمود:وانا كمان بحبك ياماجى .
ماري: ياريت بقي يامحمود تحكي لنا حكاية مكتبة إسكندرية .
محمود: مكتبة إسكندرية أشهر مكتبة ف التاريخ وأقيمت حالياً علي مساحة 40ألف متر علي طريق الكورنيش في منطقة السلسلة علي شكل إسطوانة مايلة في مواجهة البحر وإتحفر علي جدرانها أبجديات لغات العالم القديم والحديث وتحتوى علي أكثر من 8 مليون كتاب بالإضافة إلي قاعات للإطلاع ومعهد للدراسات المكتبية ودراسات نظم المعلومات كما تم تزويدها بأحدث تكنولوجيا في كافة الوسائل السمعية والبصرية كما أضيف لها مبنى القبة السماوية الخاص بعلوم الفلك وقاعة للمؤتمرات .
ماجى : أنا باتمني أزورها قريباً عشان باحلم أقرا الكتب اللي فيها كلها .
محمود: معقول ياماجى .. ح تقري 8 مليون كتاب؟!
ماجى: أنا عايزة أقعد أقرا وأدرس فيها لغاية آخر يوم من عمرى وموش مهم بقي أقرا كام كتاب ..
مارى: أكمل يامحمود كلامك عن المكتبة .
محمود: تم وضع تصميمات المكتبة علي شكل قرص الشمس الدائرى غير المكتمل بحيث يميل ف إتجاه البحر ممثلاً بزوغ الشمس في مصر الفرعونية ويُعبر هذا الرمز عن العالم والحضارة الإنسانية كلها .. ده بالإضافة إلي إنشاء ممر علي شكل سهم يصل جامعة إسكندرية بالكورنيش عبر المكتبة .
أرمسترونج: المكتبة دى كام دور؟
محمود: 13 دور وفيها كمان مركز للمؤتمرات والعلماء ومتحف للعلوم والقبة السماوية وكلية للمعلومات ومعرض للآثار الرومانية واليونانية وقاعة للخالدين ومعاهد متخصصة في جميع العلوم والثقافات ومطبعة علي أحدث تكنولوجيا .
ماجى: كل ده؟ معقول؟ دى شئ إسطورى .. وياترى إتكلفت كام؟
محمود: 121 مليون دولار والعالم يساهم منها ب 65 مليون دولار
جون ماكلويد: I am hungry..
مارى : وانا كمان ياجون .
(ويدخل جورج في هذه الأثناء)
جورج: وانا كمان ياجماعة very hungry
مارى: ده معاد الغدا بتاعي .
أرمسترونج: محمود إنت لازم تتغدا النهارده معانا .
محمود: طبعاً طبعاً يادون ده شئ يسعدنى ويشرفنى جداً . ياللا بينا .
(ويخرج الجميع من المشهد وينتهى المشهد ويسدل الستار)
المــشــــهد الثـــالـــــث
الوقت: ظهراً والمنظر علي شاطئ البحر وتوجد بعض الشماسي وكراسي البحر ويرتدى الجميع ملابس مناسبة للمكان .
(يفتح الستار وشباب الكورال يغنون أغنية جماعية ترقص معها الفرقة الإستعراضية التي تدخل المشهد)
الأغنية: (شواطئ السحر والجمال)
-----------------------------
ياللا .. بينا ف الهوا نتمشـّي ونصيّف بين أحلي شواطئ
ده البحر الساحر له وَحشـــة والقلب ح يفـضل له عاشق
راح نتنسّم أحلي نـــــــســــيم لو ف سـتانلي أو ف جليم
أو علي شط ميامي الرايق
ياللا .. بينا ف الهوا نتمـشـّي ونصيّف بين أحـلي شواطئ
* * * * * *
تيجى نقعد سوا ف الأنفوشي نتفرّج علي أحــلي مراكب
ونقول لهمومنا .. ماتجيشي وناخــد لنا كام لفة ف قارب
ونعود للبرناخـد أكـــــلـــة من بربون علي بورى وكحلة
والغدا يحلو علي الشـــــــــاطئ
ياللا .. بينا ف الهوا نتمشـّي ونصيّف بين أحلي شواطئ
* * * * * *
تيجى نتفسّح ف المعـمورة ولاّ ناخــد جولة .. ف أبوقير
نتصوّر مِيْت صورة وصورة ده المنظر ع الشـط خطـــير
وان روحنا المنـــــتزة بالليل نلقي السحر مالوهش مثـيل
وسط زهور من أحلي حدايق
ياللا .. بينا ف الهوا نتمشـّي ونصيّف بين أحــلي شواطئ
* * * * * *
(وتنتهى الأغنية وتخرج الفرقة الإستعراضية من المشهد)
(يدخل محمود بصحبة المستشرقين الخمسة ويجلسون معاً بينما يجلس جورج بمفرده مبتعداً عنهم)
ماجى: أظن يامحمود ح تكلمنا بقي عن أهم حاجة ف إسكندرية وهيّة الشواطئ موش كده ؟
(يتدخل جورج مقاطعاً ومخاطباً محمود)
جورج: إحنا عارفين كل اللي ح تقوله .. وكفاية كده النهارده أنا عايز أرجع ال hotelعشان تعبان جداً .
محمود: إحنا مالحقناش نقعد 5 دقايق علي بعض ياجورج .
مارى: إنت ليه دايماً تحب تفسد علينا متعتنا ياجورج ؟ ده احنا خلاص راجعيين أمريكا .
جورج: ياريت يامارى .. أنا مستنـّي رجوعنا بفارغ الصبر .. أنا خلاص زهقت.. زهقت ياناس ..
أرمسترونج: الإنسان المتحضر هوّه اللي يقدر يستمتع بكل مباهج الحياة في وقتها .. موش بعد مايسيبها ويمشي .. موش برضهالفراعنة عندكوا يامحمود كانوا بيقولوا كده؟
محمود:فعلاً يا(دون) قالوا كده وخصوصاً عن الشعوب المتحضرة في العصر القديم .
جورج: أنا خلاص ياخويا خدت كفايتى م المتعة وعايزأروّح بلدى .
محمود: إذا كان ده رأيكم ياجماعة أنا موافق .
جون: هوّه موش فيه برنامج ياجورج إحنا ماشيين عليه؟..أنا شخصياً موش ح اغيّر حاجة ف البرنامج ده .
مارى ودون أرمسترونج وماجى (معاً) : واحنا كمان
(يصمت جورج وهو في قمة غيظه)
جون: كلمنا بقي يامحمود عن شواطئ إسكندرية .
جورج: أنا اللي ح اتكلم عنها .
محمود: إتفضل .
جورج: تمتاز الإسكندرية بشواطئها الرملية الناعمة والجميلة اللي بتمتد مسافة 30 كيلو متر مابين العجمي غرباً و أبو قير شرقاً ومنها : أبو قير – المنتزة – المعمورة – المندرة – العصافرة – ميامي – سيدي بشر – أبو هيف – سان ستيفانو – جليم – ستانلى وده من أجمل الشواطئ – رشدى – مصطفي كامل – كليوباترا – سبورتنج – كامب شيزار – الإبراهيمية – الشاطبي وكمان ف غرب إسكندرية فيه شاطئ العجمى والبيطاش والهانوفيل وغيرهم . وتتميز هذه الشواطئ برملتها الناصعة البياض ومناخها المعتدل ومياهها الشفافة.
مارى: أعتقد يامحمود إن عندكوا معهد للأحياء المائية موش كده؟
محمود: مظبوط. وده موجود جنب قلعة قايتباى بخليج الأنفوشي وبيضم مجموعة نادرة من الأسماك والأحياء المائية اللي بتعيش ف المياه المصرية .
ماجى: قد إيه باحب إسكندرية وبحبك يامحمود عشان بالاقي فيك جمالها وجمال الصفات الحلوة الموجودة ف شعب مصر كله .
محمود: وانا كمان بحبك ياماجى لإنك حقيقى إنسانة متحضرة وحساسة وبتحسي بكل معانى الجمال ف كل حاجة حواليكى .. إنتى حقيقي فنانة .. (يخرج جورج غاضباً ومسرعاً)
(تبدأ الموسيقي لتغني ماجى أغنية رومانسية لمحمود بمفردها)
الأغنية: (أجمل لحظة)
أجمل لحظة ف حُبك هيّة
لما باحس بحُبـك ليّة
كل معانى الفرحة ساعتها
تحضن قلبي وادوق حلاوته
والقي الكون بستان حنية
أجمل لحـظة ف حُبك هيّة
لما باحس بحُبك ليّة
* * * * *
ساعة قلبك مابيهــــــــوانى
الفرحة بتسـكن وجدانى
والكون يصبح عندى غنوة
فيها معانى الحب الحلوة
اللي بتملا القـــــــلب أمانى
مهما بتقــسي الدنيا عليا
أجمل لحظة ف حُبك هيّة
لما باحس بحُبك ليّة
* * * * * *
لما باحس ف يوم بحـنينك
والقي الشـوق بيدوب ف عيونك
قلبي بيرجع تاني شبابه
والقي الحزن ف قـُربك سابه
وافضل طول العمر أصونك
وأشيلك دايماً ف عينـية
أجمل لحـظة ف حُبك هيّة
لما باحس بحُـــبك ليّة
* * * * *
قلبي بيفرح لما يشـوف
قلبك جــى عليه ملهــوف
بالقي الدنيا بتصبح جـــنة
موش راح تبــعــــد أبداً عنا
وانسي الحزن معاك والخوف
ونعيش أحلامنا الوردية
أجمل لحـــظة ف حُــبك هيّة
لما باحس بحُــــــــــــبك ليّة
* * * * * *
(تنتهى الأغــــــنية)
جون ماكلويد: أعتقد يامحمود إنك ماقلتش كل اللي عندك عن أبوقير ..
محمود: فعلاً . ضاحية أبوقير تعتبر من أهدأ شواطئ إسكندرية وأفضلها في ممارسة هواية صيد الأسماك وهيّة معروفة كمان بشهرتها التاريخية عشان وقعت أمام شواطئها سنة 1798 – المعركة البحرية الشهيرة اللي تمكن فيها القائد الإنجليزى نيلسون من تحطيم أسطول نابليون ومن أهم المعالم الأثرية فيها كمان طابية كوسا باشا اللي بتقع شمال شرق قرية أبي قير .
مارى : طبعاً المحافظ النشيط بتاعكوا عمل حاجات كتير ف الشواطئ .
محمود: طبعاً . تم العمل في مشروع تطوير وتوسيع كورنيش إسكندرية وتجميله وأصبح السحر والجمال أهم سمات الكورنيش والشواطئ اللي فيه بعد تطوير وصيانة كافة الشواطئ وذلك من خلال لجنة دائمة علي أعلي مستوى من القيادات في المحافظة وكمان تم تطوير الكباين والكازينوهات والممرات والأرصفة ودورات المياه مع بناء الأسوار وغرف خلع الملابس
وكمان تم تزويد الشواطئ بوسائل الإضاءة الحديثة وأحواض الزهور وأماكن الجلوس مع تشجير الطريق بوضع النخيل فيه وكمان تمت زيادة الشواطئ المتميزة زى ستانلي وخاصة بعد إقامة كوبرى ستانلي الرائع اللي أقيم علي الطراز الإسلامى في العمارة ده بالإضافة إلي تطوير باقي الشواطئ المتميزة مثل ميامى وسيدي بشر وسابا باشا ورشدى وأيضاً الدخيلة اللي تم فيها تجميل الكورنيش .
جون ماكلويد: الجو هنا ماحصلش.. ياسلام ع السحر والجمال والطبيعة الفاتنة .. أعذرونى ياجماعة .. أنا حقيقي باعشق إسكندرية .
(تبدأ الموسيقي ويبدأ جون ماكلويد في غناء أغنية رومانسية فردية)
الأغنية: (شط إسكندرية)
وانا قاعد تحت الشمــــسية
السحر باشوفه بعينـــــية
النسمة تجيلي وتضحك لي
ف عبير بيغني لي أغنية
والبحر الصافي بيــــنده لي
من مَيّة بترقـص حوالية
ألوانها بتـــــعزف وتلــّحن
مزيكا .. إسكـندرانية
أسمعها بعينى تـــقول أهلاً
وبأنغامها ترحـب بيّة
والرملة الناعمة بتــهديني
حبة لولي وتِبـر هدية
لوقلت لها إنها بتجـــــيني
متزوّقة م الجواهرجية
والسما بالود بتبعـــــــت لي
أنوار الحب الدهــبية
وبنور الشمـــس بتكتب لي
أجمل أحلامي وأمانية
وانا باخد السـما وندردش
ف سفينة ونرقص ف المَية
والموج حوالينا بيفرفش
ويهز شــراعــــنا بحنية
والليل لما بييجــــــي يليّل
أرجع للشـط لوحدية
واسهر مهما الليل بيطوّل
ويّا القــمر اللي ف ليالية
وافضل احب ف أحلي صبية
بلد الحب الغالية عليا
* * * * * *
(وتنتهى الأغنـــــــية ويصفق الجميع لجون)
أرمسترونج: أعتقد يامحمود إن طريق الكورنيش مرصوف جديد ..موش كده؟
محمود: فعلاً يا(دون) تم إعادة رصف وتبليط طريق الكورنيش وزيادة الإضاءة وأعمدة الإنارة .
(يدخل جورج بسرعة وقد ارتدى كامل ملابسه وحزم أمتعته)
جورج: أنا حجزت طيارة أمريكا وح اسافر بعد 3 ساعات حد عايز
ييجى معايا ؟
دون أرمسترونج: إنت أكيد إتجننت.. حد يعمل كده ياجورج؟
ماجى : مع ألف سلامة ياجورج .
جورج : ببساطة كده ياماجى ؟ .. خلاص بعتينى؟ .. فين غرام السنين؟ .. فين الشوق والحنين؟ .. فبن الماضي الجميل؟.. هوّه ده الحب الأبدى اللي إتعاهدنا عليه؟ .. هوّه ده الزواج اللي اتفقنا عليه؟.. إنتي حقيقي خاينة ومالكيش أمان وكنت أكيد ح اخسر كتيرلو إتجوزتك ..أكيد كنت ح اعيش ف جحيم ..
ماجى : لازم تعرف كويس ياجورج إن أنا عمرى ماحبيتك .
جورج: أمال اللي فات ده كان إسمه إيه؟ كدب؟ غش؟ طب وكلامِك عن الزواج؟
ماجى: أنا مااتكلمتش معاك عن الزواج .. أهالينا همه اللي كانوا بيتكلموا وكبّروا الموضوع من ماياخدوا رأيي ف حاجة .
جورج: إذن ده رأيك الأخير؟
ماجى: أيوة .
جورج: متشكر جداً ياماجى .. ألف شكر ..
(ويأخذ جورج حقائبه ويسارع بالخروج غاضباً)
محمود: دلوقتي بس إتأكدت إنك بتحبيني ياماجى .
ماجى : أنا فعلاً ماحبيتش جورج يامحمود كل الحكاية إننا قرايب ومن عائلة واحدة .
مارى: كويس إنه مشي .. ريّحنا .. نرجع بقي لكلامنا يامحمود عن الكورنيش .. أنا شخصياً .. أحلي حاجة عاجبانى فيه المبانى الموحدة ف اللون الأبيض .. دى بقت أكبر علامة علي تحضر ورقي إسكندرية .
ماجى: بصراحة يامارى إسكندرية دلوقتى بقت جزء من أوروبا .
محمود: فعلاً ياماجى وتم طلاء جميع المبانى المطلة علي البحر باللون الأبيض في عهد عبد السلام المحجوب اللي قدر يخلـّي البيوت كلها ف إسكندرية بنفس اللون لإبراز الوجه الحضارى والتاريخى وإظهار مكانة إسكندرية العالمية وإعادة رونق التراث المعمارى لها ده بالإضافة إلي إنشاء العديد من الكبارى والأنفاق في كل مكان لتسهيل عبور المشاة وتسهيل حركة المرور والنقل وحركة المواصلات ويجرى الآن الإعداد لمشروع مترو الأنفاق .
أرمسترونج: أيوة . هوّه ده الشئ الوحيد اللي فاضل عشان إسكندرية تبقي ملكة جمال .
ماجى : أعتقد كمان إن المحافظ مهتم بالبيئة . موش كده؟
محمود: فعلاً إهتم المحافظ بجميع مشروعات خدمة البيئة بكل صورها .. فمثلاً قام بمنع إستخدام آلات التنبيه ف السيارات ف كل مكان لإعادة الهدوء ومنع التلوث السمعى وكمان أمر بنقل الورش خارج التجمعات السكنية ومن الحاجات المهمة أيضاً إنه أمر بتطهير ترعة المحمودية وبيتابع بنفسه المحافظة علي البيئة ف المصانع اللي بتطلـّع الغازات الملوِثة للجو عشان يبقي الجو نقي ونضيف ف كل مكان .
جون ماكلويد: أنا ملاحظ كمان إرتفاع مستوى النظافة .
محمود: مظبوط ياجون . إهتم المحافظ برضه برفع مستوى النظافة في كل مكان مع إعداد حملة قومية دائمة لنظافة إسكندرية والإتفاق علي توّلي إحدى الشركات الأجنبية مهمة جمع القمامة ليتم العمل علي تحويلها إلي سماد في مصانع خاصة بذلك .
(ويصمت محمود قليلاً ثم ينظر في خجل إلي ماجى)
محمود: زى ماانتوا عمّالين تسألونى م الصبح ف كل حاجة ممكن أسأل أنا بقي سؤال لماجى؟
ماجى: sureيامحمود ..
محمود : تتجوّزينى؟
(تصمت ماجى لحظة ثم تبتسم إبتسامة عذبة رقيقة وتهز رأسها بالموافقة في خجلٍ تام)
(تبدأ الموسيقي ويبدأ محمود وماجى في الغناء معاً)
الأغنية: (أحلي غرام)
هو/ بيني وبيِنِك هي/أحلي غرام
هو/قلبي وقلبك هي/بحر هيام
هو/حُبك عايش جوّه عروقي
هي / ما بقيتش أقدر يوم علي شوقى
هو/ ده انتى صبحتى ف ليلي شروقي
هو/اللي ينوّر بالأحــلام
بيني وبينك أحلي غــــــرام
* * * * *
هو/إنتى جنة شــــــــوق أبدية
هو/تملا الدنيا بالحــــــــنية
هو/إنتى فرحة عـمرى بحاله
هي/إنت شمس حياتي الجـاية
هى/قلبي معاك إتغير حـــاله
هى/عشت مـعاك أجـمل أيام
بيني وبينك أحلي غرام
* * * * *
هو/إنتى ربيع الحب الأخضر
هو/إنتى حلم ف قلــــبي بيكبر
هو/حُبك ده ح يعيــش ويطول
هي/ح افضل احبك أكتر واكتر
هي/ ح اسقي لك قلبك علي طول
هى/من عطر الفرحـة البسّام
بينى وبينِك أحلي غرام
* * * * *
(يسدل الستار مع نهاية الأغنية وينتهى المشهد)
المشــــهد الرابــــع
الوقت: في المساء والمنظر داخل منزل محمود حيث يوجد بعض الآثاث الحديث .
(يفتح الستار والمستشرقون يجلسون مع محمود وماجى وقد إرتدى الجميع الملابس الفاخرة إحتفالاً بزواج محمود وماجى)
جون ماكلويد: ياسلام .. أما كانت رحلة رائعة بشكل ..
مارى : أعتقد يامحمود إنك إديت لنا فكرة كاملة عن إسكندرية ف التاريخ القديم وإسكندرية في عصر المحجوب .
محمود: لا والله لِسّة فيه حاجات كتيرة عايزكوا تعرفوها بس يمكن الوقت موش مناسب .
أرمسترونج: لو تحب تكلمنا دلوقتي مافيش مانع .
جون: أنا عارف طبعاً إن الوقت موش مناسب لكن إنت عارف يامحمود إن احنا كلنا مسافرين بكرة إلا ماجى طبعاً ..
محمود: خلاص مافيش مشكلة .
محمود: علي مستوى الأحياء كانت أهم المشروعات اللي عملها المحجوب هيّة تطوير المناطق العشوائية فمثلاً تمت إزالة أخطر منطقة عشوائية في مصر وهيّة منطقة (الكارانتينا) وإنشاء مجمع مدارس مكانها وتسكين أهلها ف الناصرية وكمان تم تطوير ميادين ومداخل جميع الأحياء ورصف الطرق
وإنارة المناطق اللي مافهاش كهرباء .. وبالنسبة لمجال التعليم تم إنشاء العديد من المدارس الجديدة مع صيانة المدارس القديمة .. وفي مجال الصحة تم إنشاء العديد من الوحدات الصحية مع تدعيم كافة المستشفيات و المستوصفات بالأجهزة الطبية الحديثة .. وبالنسبة للإسكان إهتم المحافظ بإنشاء العديد من الوحدات السكنية الجديدة للقضاء علي مشكلة الإسكان .
أرمسترونج: أعتقد إنه ح يعمل مشروع مبارك للإسكان .
محمود: فعلاً . تم العمل في هذا المشروع وفيه كمان مشروع مدينة برج العرب اللي ح يخلـّي منطقة برج العرب مدينة متكاملة في جميع المجالات .
أما علي مستوى المرافق فتم مد وتدعيم شبكات مياه الشرب وتجديد شبكات الصرف الصحى .
ماري: وماذا عن الإتصالات ؟
محمود: تم تجديد العديد من السنترالات وإنشاء البعض الآخر ومنها مثلاً سنترال العوايد الجديد .
جون: إنت موش ملاحظ إنك ماإتكلمتش عن الشباب والرياضة ؟
محمود: علي مستوى الشباب والرياضة تم إنشاء العديد من الملاعب ومراكز الشباب وتطوير وصيانة القديم منها وعلي سبيل المثال تم إنشاء مركز اللياقة البدنية في ستاد إسكندرية وده بالطبع واكب المساهمة في تنظيم كأس العالم للناشئين في كرة القدم اللي نظمته مصر وايضاً بطولة مصر الدولية للإسكواش وبطولة الجمهورية للشركات وغيرها من البطولات وحصلت إسكندرية علي العديد من البطولات في مختلف الألعاب علي مستوى الجمهورية في عهد المحجوب .
أرمسترونج: وماذا عن الإستثمار عندكوا ؟
محود: أبدى المحافظ إهتمام كبير بتشجيع الإستثمار والمشروعات الإستثمارية في كل مكان وفي كافة المجالات .
مارى: أمال فين والدك يامحمود؟
محمود: زمانه جى.. تلاقيه بس بيلبس ويتشيّك عشان يكون في أحسن صورة .
جون: وماذا عن المجال الثقافي ف إسكندرية؟
محمود: تمت دعوة العديد من الفرق المسرحية الكبيرة ف القطاع العام والخاص لتقديم عروضها هنا وكمان بتتم دورياً إقامة مهرجان إسكندرية السينمائي الدولى في صورة حضارية رائعة .
ماري : فعلاً . إحنا كنا ف أمريكا بنسمع عنه .
محمود: أيضاً تم تنظيم العديد من البرامج الخاصة والمهرجانات والإحتفالات في المناسبات القومية والدينية والمحلية علي مستوى قصور الثقافة اللي تم ترميم وتجديد العديد منها زى قصر ثقافة الحرية مثلاً .. ده بالإضافة إقامة المعارض الفنية المتعددة فيها وإقامة معارض الكتاب في أماكن كتيرة ف إسكندرية .
ماجى: بعد إذنكوا أروح أحضّر الماكياج بتاعي.
ماري : إتفضلي ياعروسة .(وتخرج ماجى في نفس اللحظة التي يدخل فيها والد محمود ووالدته من باب آخر)
(ويتصافح الجميع)( ويخرج محمود)
الأم: أهلاً وسهلاً .. أهلاً وسهلاً .. شرفتونا .. شرفتم بلدنا كلها .. البلد نوّرت .
الأب : ياأهلاً وسهلاً .. أهلاً أهلاً بالناس العظماء
• It is very nice to see you here
- قد إيه ياجماعة أسعدنى وشرّفنى إن محمود يتعرّف بيكم ف إسكندرية ده كان أعظم وأغلي شئ كسبناه من زيارتكم لمصر .
الأم: كفايةعلينا عروستنا الجميلة ماجى .
أرمسترونج: ف الحقيقة إحنا كنا في غاية السعادة من خلال تعرفنا بمحمود الشاب المثقف الرائع اللي شوفنا فيه وف أخلاقه أعظم صفات الشعب المصري .
ماري : بصراحة إحنا اللي طلعنا كسبانين لما محمود يتزوج ماجى
جون: قد إيه إحنا حبينا مصر وأهلها وخصوصاً ف إسكندرية ولولا إرتباطى بجامعة هارفارد .. كنت عشت ف إسكندرية علي طول (وفي هذه الأثناء يدخل محمود وماجى وقد ارتديا ملابس الزفاف في الوقت الذي تبدأ فيه الموسيقي ويبدأ شباب الكورال في غناء أغنية جماعية ترقص معها الفرقة الإستعراضية التي تدخل المشهد)
الأغنية: (ليــــلة العــــــمر)
------------------------------
حيّوا معانا أحلي عريس مع أحلي عروسة الليـلة
ياللا نخلـّي الدنيا تهيص ياللا نعـــملوا هُليلة
سقفوا ليهم مِيْت سقــفة وارقصوا ليـهم ف الزفة
غنوا ليهم غنوة جميلة
حيوا معانا أحلي عريس مع أحلي عروسة اللـيلة
* * * * *
هنوا عريسنا بأحلي تحية وإهدوا له..م الفرحة هدية
لِمّوا عليه كل الأحـــــــباب نوّروا ليلته ..بالأحـبــاب
وإجمعوا حواليه العـيلة
حيوا معانا أحلي عريــــــس مع أحلي عروسـة الليـلة
* * * * *
باركوا معانا لاحلي عروسة وابعتوا ليها ..مليـون بوسة
قيدوا عشانها شموع الفرحة زوّقوا بالأحـــلام الطـــرحة
زغرتوا زغروتة طويلة
حيوا معانا أحلي عريـــــس مع أحلي عروســــــة الليلة
* * * * *
(تنتهى الأغنية وتخرج الفرقة الإستعراضية)
ماجى: قد إيه يادادى انا حبيت إسكندرية ومصر كلها .. من أول ماجيت حسيت هنا بالأمن والأمان والسلام والإستقرار في كل مكان وحسيت بطعم الحب والكرم ف إستقبال الشعب المصري العظيم ده للفوج بتاعنا كله وقد إيه الناس كانوا بيرحبوا بينا ويساعدونا ف التنقل من مكان إلي مكان ويلبوا كل إحتياجتنا بسرعة وبسهولة وقد إيه عشقت جمال وسحر وروعة إسكندرية اللي إحنا بنعتبرها جزء من أوروبا .. ومن ساعة ماإتعرّفت بمحمود شوفت كل المعاني الجميلة دى متجسدة ف شخصيته الجذابة المثقفة والمتحضرة لأقصي حد .. أنا خلاص يادادى قررت أعيش معاكوا هنا ف إسكندرية بعد الزواج ومصر ح تبقي بلدى الأبدية وجنتى اللي ح اعيش فيها لغاية آخر يوم ف عمري
مارى وجون ودون(معاً): تعيش مصر الحضارة .. تعيش مصر الأمان .. تعيش مصر العظيمة .
(تبدأ الموسيقي ويبدأ شباب الكورال في غناء أغنية الختام الجماعية التي ترقص معها الفرقة الإستعراضية في عرض رائع ينتهى بنهاية المشهد)
الأغنية: (مصر الحضارة)
أهلاً أهــــــــلاً بالسُـــــواح أهلاً بيــــــــــكوا ف كـــــــل أوان
مصر ح تفضل ليكوا براح مصر بلدنا أمـــــــــان ف أمــــان
ياللا تعالوا ف حضن بلـدنا علشان تشهدوا علي أمــــــجادنا
مصر ح تفضل أعلي مكان
أهلاً أهـــــلاً بالسُـــــــــواح أهــــلاً بــــيكــــــوا ف كــــل أوان
* * * * *
زوروا بلادنا محافظة محافظة شوفوا الماضى .. ولآ الحاضـر
تِلقوا بلدنا .. لِسة محافظــــــــةعلي معدنها الأصلي النــــــــادر
مش ح تلاقو بلاد ف تاريخها مش ح تشوفو بلاد ف شموخها
أعظــم دولة ف كل زمان
أهــــــــلاً أهــــــلاً بالسُــــواح أهـــــــــلاً بيــــــكوا ف كل أوان
* * * * *
مصر ح تفضل أرقي حضارة والعالم يعـــــشــــق أمجـــــادها
مصر ح تفضل أعلي مـــنارة طول ماهى فيها كفــاح أولادها
راح تفضل ف الدنــيـــا تعلـّم راح تفــــضل دايمـــاً تتـقـــــدم
وتعلـّي ف مجـــد الإنسان
أهــــــلاً أهـــــــــــلاً بالسُوّاح أهـــــــلاً بيــكوا ف كــــل أوان
* * * * *
((ويسدل ستار النهاية بنهاية الأغنية))
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الزهــــــــــــرة الـثـــالــــــــثــــة
مسرحية : جـــــســـر الحـــــــوار
الزمان: في بداية الألفية الثالثة .
المكان: مدينة إسطنبول التركية .
الشخوص:
أحمد عبد الحميد: زعيم جماعة أصولية تركية متشددة .
عبد الله الطيب: أحد مساعديه في الجماعة .
شخوص ثانوية:
- عبد الرحمن: أحد الإرهابيين الذين ينتمون للجماعة .
- مفتش المباحث وإثنان من معاونى أحمد عبد الحميد وضباط الشرطة الأتراك والمصلين .
المـشهــد الأول
الزمان: فجراً .
المكان: مسجد أنصار الإسلام بمدينة إسطنبول التركية .
(يفتح الستار ومجموعة من المصلين يؤدون صلاة الفجر في 3 صفوف متتالية وهم جميعاً جالسون في جلسة التشهد الأخيرة وتنتهى الصلاة)
عبد الله (وهو يسلم علي أحد المصلين علي يمينه في الصف الأول) :
- حرَمَاً ياأخى ..
المُصلــّي : جمعاً ياشيخ عبد الله .
(ثم يلتفت عبد الله لأحد المصلين علي يساره في نفس الصف):
عبد الله : حرَماً ياأخى ..
المُصلــّي : جمعاً يامولانا .
عبد الله (وهو يلتفت للإمام أحمد عبد الحميد) : حرَماً ياشيخ أحمد ..
أحمد: جمعاً ياعبد الله . تقبّل الله منك ومنا .
(ثم يقف أحمد عبد الحميد أمام كل الموجودين بالمسجد)
أحمد : إخوانى ف الإسلام .. إستمعوا إليّا الآن وأنصتوا لي جيداً ..(يلتف الجميع حوله)
أحمد: سيقوم أحد الإخوة ف الجماعة اليوم بعملية جديدة من عمليات الجهاد في سبيل الله وسيقوم بإستهداف أتوبيس سياحى علي متنه 50شخص من الكفار الأجانب من مختف الجنسيات وسيتم تدمير الأتوبيس بقنبلة كبيرة فوق أحد الكبارى المطلة علي بحر مرمرة واللي بتربط بين قارتى آسيا وأوروبا فعلي من يرغب في القيام أو الإشتراك في هذه العملية من أفراد الجناح العسكرى للجماعة – أن يأتى إليا بعد صلاة الظهر من هذا اليوم .
عبد الله : وبعدين معاك ياشيخ أحمد؟ إحنا موش كنا إتفقنا قبل كده علي إلغاء هذا النوع من العمليات من نشاط الجماعة ؟
أحمد: سبق أن قلت لك ياعم عبد الله إن هذا جهاد في سبيل الله ودول كفار ولازم يموتوا .
عبد الله (بإنفعال): إزاى ياشيخ أحمد؟ دول أهل كتاب زيّهم زييّنا بالظبط وبعدين دول لما بييجوا إسطانبول مابيعملوش فيها حاجة لأى حد ومابيئذوش أى حد أو يعتدوا عليه بأى شكل من الأشكال ده بالعكس مجيئهم ده فيه مصلحة لبلدنا لإنهم بينموا السياحة في تركيا وبالتالي بيساعدوا في تنمية الدخل القومى للبلد بتوفير العملة الصعبة اللي الشعب التركى كله محتاج إليها .
أحمد: بينموا الدخل القومى ولاّ بينموا الفـُجر والدعارة ويتجسسوا علينا كلنا وبعدين بعد كده يحاربونا ف كل المجالات ؟
عبد الله: الرسول (صلي الله عليه وسلم) كان بيقول : (من حُسن إسلام المرء تركه مالا يعنيه) ودول أمرهم لا يعنينا في شئ .. والإسلام بيقول لا تعتدوا علي أى إنسان إلا إذا هوّه بدأ بالفعل في الإعتداء عليكم أو محاربتكم بأى صورة .
أحمد: طب ماهمه بيحاربونا بالفعل ف كل مكان ف العالم .. شوف اللي بيحصل في فلسطين ولاّ العراق ولاّ الشيشان واللي حصل قبل كده ف البوسنة وكوسوفو وف عديد من المناطق والبلاد الموجود فيها مسلمين ف العالم كله .. العينُ بالعينِ والسنُ بالسنِ والبادى أظلم .
عبد الله: لو كنت عايز تحارب بجد ماتحاربش المدنيين الأبرياء وروح حارب الجيوش ولاّ الناس العسكريين بس وف المناطق اللي فيها حروب فقط أما السياح فدول ناس أبرياء ماعملولناش أى حاجة خالص ده بالعكس إحنا لازم ندّيهم فكرة طيبة عن عظمة الإسلام وسماحته ف التعامل معاهم عشان مايرجعوش بعد كده يقولوا علينا إرهابيين ويقولوا ع الإسلام ده دين إرهاب ونبقي كده شوّهنا صورة الإسلام ف العالم ف الوقت اللي يجب علينا أن ندعوهم ونرشدهم إليه .
أحمد : ياعم عبد الله .. ياعم عبد الله .. شوف المسلمين الأبرياء اللي بيتقتلوا كل يوم في فلسطين ولاّ العراق تقدر تقول لي دول كان ذنبهم إيه؟ ولا كانوا عملولهم إيه؟
عبد الله : معلهش . إحنا برضه لازم نثبت لهم إن إحنا أحسن منهم والقرآن بيقول (أدعُ إلي سبيل ربك بالحكمةِ والموعظةِ الحسنة وجادلهم بالتي هي أحسن) وربنا كمان بيقول ف القرآن فيما معناه(لا ينهاكم الله عن الذين لم يقاتلونكم أو يُخرجونكم من دياركم أن تبرّوهم وتقسطوا إليهم إن الله يحب المقسطين) والرسول كمان بيقول ياسيدى (من قتل معاهداً حرّم الله عليه ريح الجنة)وبيقول كمان(من ظلم ذمياً فأنا حجيجه يوم القيامة ) وأنا ألف مرة قبل كده قلت لك ياشيخ أحمد الإسلام ماقالش كده واللي إحنا بنعمله ده إسمه فساد ف الأرض وظلمٌ كبير والله لا يحب المفسدين ياأخى ..
أحمد: والله ياعبد الله أنا بدأت أشك فيك وف إسلامك وخايف أطردك من الجماعة ف يوم من الأيام بتهمة الإرتداد عن الإسلام ومخالفة الشريعة الإسلامية وبالتالى إهدار دمك ..
عبد الله: ياشيخ أحمد إقرأ القرآن والسنة كويس وحاول تفهم الإسلام الفهم الصحيح والسليم والمنطقى .. الإسلام ماقالش كده أبداً .. والله اللي إنت بتعمله ده كله حرام ف حرام .
أحمد(منادياً لإثنين من معاونيه): إمسكوا الراجل ده ودخـّلوه
ف الأوضة اللي هناك دى وإحبسوه فيها لغاية ماييجي مفتي الجماعة ويقول لنا حكم الإسلام فيه إيه ..
(يسارع الرجلان في الإمساك بعبد الله ويقوداه إلي إلي الغرفة ويغلقان
عليه بالمفتاح ) وهو يقول : حسبي الله ونعم الوكيل .. حسبي الله ونعم الوكيل ..
أحمد : كل اللي عايز يشارك ف العملية يجي لي بعد صلاة الظهر
(ويسدل الستار وينتهى المشهد)
المشـــــهد الثـــانــــى
الوقت: ظهراً والمنظر داخل غرفتين متجاورتين في المسجد يفصل بينها حائط – الأولى فيها عبد الله والثانية غرفة أمير الجماعة) (ويفتح الستار)
(يدخل أحمد إلي غرفته ومعه حقيبة كبيرة وثقيلة وبرفقته شاب صغير ملتحى)
أحمد(وهو يفتح الحقيبة): شوف ياعبد الرحمن إنت ح تاخد أصابع الديناميت دى كلها وتربطها ف حزمة واحدة بفتيل واحد مع الدايرة الكهربائية وتحُطها ف الشنطة وتحُط الشنطة في كيس بلاستيك إسود وأول ماتروح عند الكوبرى ح تلاقي هناك صناديق زبالة كتيرة موجودة فوق الكوبرى .. تروح حاطط الشنطة في أقرب صندوق زبالة للطريق وتنزل بعد كده تحت بعيد عن الكوبري وأول مايعدّى أتوبيس السياح ع الكوبرى تقوم مفجّر القنبلة كلها بإستخدام الريموت كنترول (ويخرج أحمد من جيبه الريموت ويعطيه لعبد الرحمن)
أحمد: ياللا يابطل توكل علي الله وإقرأ الفاتحة وسورة ياسين .
(ويخرجان معاً من الغرفة والمسجد)
(وفي الغرفة الثانية يسمع عبد الله الحوار من خلف الباب وينظر إلي نافذة الغرفة ويفكر في طريقة للهروب ثم يقوم بطى سجادة الغرفة ولفها فوق بعضها ويحاول التسلق والصعود عليها عدة مرات حتي ينجح في النهاية في الوصول إلي النافذة والقفز منها)
(ويسدل الستار وينتهى المشهد)
المشـــهد الثــالــث
الوقت: ظهراً والمنظر أمام أحد الكبارى المعلقة فوق بحر مرمرة والتى تربط الشرق بالغرب وتصل مدينة إسطانبول الأسيوية بمدينة إسطانبول الأوروبية .
(ويفتـــح الســتار)
(يدخل عبد الرحمن ومعه الحقيبة ملفوفة في كيس كيس بلاستيك إسود ثم يضع الكيس داخل صندوق القمامة ثم يهبط بسرعة أسفل الكوبري ويقف مبتعداً عنه) .
(في هذه اللحظة يدخل عبد الله مسرعاً ويتلفت يميناً ويساراً ويهرول مسرعاً في كل مكان
بحثاً عن عبد الرحمن)
عبد الله : عبد الرحمن .. ياعبد الرحمن .. عبده .. ياعبده ..
(يراه عبدالرحمن ويختبئ منه أسفل الكوبرى ولا يرد عليه)
(في هذه اللحظة يمر الأتوبيس فيقوم عبد الرحمن بتفجير القنبلة فيه في الحال ويحدث إنفجاراً شديداً يسبب إنهيار الكوبرى كله فيسقط الكوبري بالأتوبيس في مياه البحر)
(يهرول عبد الرحمن ويبادر بالهروب) (ويخرج عبد الله)
(وفي تلك الأثناء تصل عربات الشرطة والإسعاف والمطافئ ويبدأ البوليس التركي في تفقد المكان)
مفتش الشرطة (لمساعده): ده عمل إرهابي مية ف المية .
مساعده : أكيد وراه حزب العمال الكردستانى .
مفتش الشرطة (وهو يضرب كفاً بكف) :
العالم ف العصر الحـــــــــــالـــى إنعدمـت فيه الأخـــــــــــــلاق
والذِمة .. والدين الغــــــــــــالــي أصبحوا ف زمانـّا شـــــهـداء
ماتت ف الناس أحلـــــي مبــادئ غاب الود الصـافي الصـــادق
حتي الحب ف قـــلب العاشــــــق أصبــح كدب ف يـوم ونـفـاق
العالم ف العصر الحـــــــــــالـــي إنعـدمت فيــه الأخـــــــــــــلاق
* * * * * *
من يوم ماالناس باعوا ضميرهم والعالم بقي كــله وحــــــوش
والدنيا إتزرعت بشـــــــــرورهم والرحمة إتشالت ف نعــــوش
والظلم ده أصـــــــــــــــبح قانون يتحكم ف حياة الكـــــــــــــــون
علشان المخلـــــــــص ده يخـون والإخوات يصـبحـوا أعــــــداء
العالم ف العــــــــــــــصر الحالي إنعدمـت فيه الأخــــــــــــــــلاق
* * * * * *
من يوم ما الناس هدمــوا الدين والمال بقي ليــــهم معـــــــبود
واندبح الحـــــب بســــــــــــكين والإخلاص مابقاش له وجــــود
ماتت حتى الكلـــــمة الحــــــلوة والدنيا بقت قسوة ف قســـــوة
والكون أصبح صرخة شــــكوى بتعيش ف قلوب التعـــــــسـاء
العالم ف العصــــــــــر الحالـــى إنعدمت فيـه الأخــــــــــــــــلاق
* * * * * *
طول ماالحق ده ح يكـون غايب الدنــــيا ح تفــــضــل مـأســــاة
والعالم ح يعيش ف مصايـــــــب راح تمحى الخــــير من جـوّاه
وسلوك الإنســــــان الفاشـــــــــل ح يوصله للمــــــــوت العاجــل
وسلوك الإنســــــان الفاشـــــــــل ح يوصله للمــــــــوت العاجــل
ويخلــّي الدنـــيا .. تســــــــتاهــل تصبح يوم ف خراب وفـــنــاء
العـــالم ف العصــــــــــــر الحالي إنعدمت فــيه الأخـــــــــــــــلاق
* * * * * *
(ويسـدل الســتار وينتـــــهى المشهد)
المشـــــهد الرابــــــع
الوقت: في المغرب والمنظر داخل مديرية الأمن التركية .
(يفتح الستار ومجموعة من الضباط الأتراك في إجتماع عاجل )
مفتش الشرطة: شوفوا ياجماعة إحنا دلوقتي عايزين نكثف كل جهودنا في كشف ملابسات الحادث والقبض ع الجناة في أسرع وقت ممكن .
أحد الضباط: يافندم العمل ده أكيد وراه حزب العمال الكردستاني .
المفتش: والله وراه حزب العمال .. وراه جماعة إرهابية .. وراه الجن الأزرق .. الناس دى لازم يتقبض عليها فوراً ويتحكم عليها بالإعدام وفي ميدان عام كمان عشان يبقوا عبرة لغيرهم .
مساعد المفتش: 48 واحد ماتوا لحد دلوقتى من ركاب الأتوبيس والإتنين اللى فاضلين حالتهم خطيرة والسائق أيضاً حالته خطيرة للغاية .
(في هذه اللحظة يدخل أحد جنود الشرطة مقتحماً الإجتماع)
الجندى: سعادة المفتش فيه واحد جالنا دلوقتى وبيقول إنه عنده معلومات هامة جداً ستساعدنا في القبض علي الجناة .
المفتش: أدخله فوراً . (ويدخل عبد الله)
عبد الله: سيادة المفتش أنا عندى معلومات كاملة عن العملية اللي حصلت النهارده وعن كل اللي وراها .
المفتش: إنت متأكد م الكلام ده ؟
عبد الله: أيوة متأكد .
عبد الله : طب إتكلم أرجوك . إتفضل ..(ويشير له بالجلوس)
عبد الله: فيه تنظيم إرهابي كبير إسمه (أجناد الحق) هوّه اللي عمل العملية بتاعة النهارده .
المفتش: وانت عرفته منين؟
عبد الله : أنا واحد منهم وجيت بنفسي أسلــّم نفسي وأبلــّغ عنهم .
المفتش: طب ليه مابلــّغتش قبل وقوع الجريمة؟
عبد الله: لإن أمير الجماعة حبسنى في غرفة ف المسجد عشان كنت معارضه في تنفيذ العملية .
المفتش: إسمه إيه المسجد ده؟
عبد الله : (أنصار الإسلام)
المفتش : طب وهربت إزاى منهم ؟
عبد الله: قفزت من النافذة الموجودة في غرفة المسجد ونزلت الشارع وجريت لحد الكوبرى وفضلت أدوّر علي عبد الرحمن في كل مكان عشان أمنعه من تنفيذ العملية ومالحقتهوش .
المفتش : مين عبد الرحمن ده؟
عبد الله: ده منفذ كل كل العمليات الإرهابية للتنظيم .
المفتش: طب ليه مابلــّغتش البوليس ف ساعتها ؟
عبد الله: الوقت كان ضيق جداً بعد هروبى من المسجد وف اللحظة اللى كنت بانادى فيها علي عبد الرحمن راح الأتوبيس معدّى وإنفجرت فيه القنبلة .
المفتش: إنت برضه غلطان ياأخى كان لازم برضه تبلــّغ البوليس أول ماخرجت من المسجد بدال ماتجرى ورا عبد الرحمن وتضيّع الوقت كله وتضيّع كمان علينا الفرصة في إنقاذ السياح المساكين دول ..
عبد الله: بصراحة . ف البداية أنا ماكنتش عايز البوليس يقبض علي أى حد منهم لإنهم كانوا كلهم ح يتكلموا عليا وبالتالي ح ابقي شريك
معاهم ف كل الجرايم اللي حصلت قبل كده ..
المفتش: علي أى حال إحنا شاكرين ليك جداً وإن شاء الله ح تاخد حكم مخفف .
عبد الله : شــــوف ياباشــــا:
أخطر شئ ف العـــــالم كله
دلوقتي .. إسـمه الإرهـــــاب
بيدمّر ف الدنــــــــــيا بغِلــّه
ومايعملش لحـد حـــــســــاب
ويشعلل مِيْت ألـــــف حريق
ويموّت كـام ألــــــف بـــــرئ
ويخلــّي الكون يبقي خراب
أخطر شئ ف العـــــالم كله
دلوقتى .. إسـمه الإرهــــــاب
* * * * * *
الإرهاب طول عمره مصيبة
علشان ويّاه فكر يدمّر
بيخلّى صاحبه ف غيبوبة
ويخلّيه عُمرُه ما يعمّر
علشان بيوديه لنهايـــــــــته
بعد مايعمل يوم ف جنايته
ومصيره يكون كله هباب
أخطر شئ ف العــــــالم كله
دلوقــتي .. إسمه الإرهـاب
* * * * * *
الإرهاب ف العصر الحاضر
أبشع درجـات الرجعـــــية
والإرهابي بجهله النــــــادر
بيهــــــــد مــعاني الحـرية
علشان بيخوّف يوم غيــره
ويخلــّيه ف الفكر أسـيره
من غير إقناع بالأسباب
أخطر شئ ف العالم كلــــــه
دلوقـتي .. إسمه الإرهاب
* * * * * *
الإرهابي .. لو يتــعـــــــــــلم
إنه يحارب الـــفكر بفـكره
عمره ماكان أبداً يستســـــلم
يوم لشـْيطان إرهابه وفـُجره
كان ح يحارب الناس بمبادئ
موش بقــنابل ولاّ بنـــــادق
وينول م الكل الإعــجاب
أخطر شئ ف العالم كلـــــــه
دلوقـتي .. إسمه الإرهــاب
* * * * * *
الإرهابي ضحية عـــصـر
إندبحت فيه الأخلاق
والإرهاب ده نتيجة فقر
ف ضمير ناس عايشين ف عداء
لوكان دايماً كل الناس
بيعيشواف حب وإخلاص
كان يبقي الإرهاب ده سراب
أخطر شئ ف العــــــــالم كله
دلوقتي .. إســمه الإرهاب
* * * * * *
طول ماالعدل ح يفضل غايب
الإرهاب ح يعيش ف العالم
وح يبقي له مليون صــاحـب
علشان الإنسان بقي ظالـم
يوم ماالحق يروح لصحابه
ويزول الظلم وأسبابه
يصبح كل الناس أحـــباب
أخطر شئ ف العالم كلـــــــه
دلوقتي .. إسمـه الإرهـاب
* * * * * *
عبد الله : للأسف الشديد إحنا اللي شوّهنا صورة الإسلام بإيدينا وعملنا منه دين للإرهاب والتطرف والتخلف مع إن الإسلام غير كده خالص وبرئ من كل أفعالنا القذرة .. ده دين محبة وسماحة وسلام بين الناس كلها وللأسف الشديد الجسر ده لما إنفجر قطع كل سبل الحوار بين الشرق والغرب وفعلاً الغرب عنده حق يقول علينا إرهابيين من كتر عمايلنا السودا فيهم .
المفتش : يعني إنت ضدهم ف الفكر المتخلف ده؟
عبد الله : أيوة ياباشا .. ف الأول أنا ماكنتش عارف أى حاجة ف الدين ودخلت التنظيم ده بعد ماضحكوا عليا وفهّمونى الدين زى ماهمه عايزين وعلي مزاجهم لكن بعد كده أنا قريت كتيرف الكتب عن معنى ومفهوم الإسلام الصحيح والسليم وفهمت كل شئ ف الإسلام ودايماً كنت باعارضهم ف كل أفكارهم الغبية والمتخلفة دى ..
وأنا لو تم الإفراج عنى سأصبح داعية كبير ف الإسلام عشان أوضح وأبين جمال الدين الإسلامى اللي يعتبر أروع دين ف الوجود وسوف أدعو في كل مكان وعلي كل منبر لإقامة حوار دينى وثقافي وسياسي مع الغرب في كل بلاد العالم حتى أعيد من جديد فكرة حوار الحضارات بدلاً من فكرة صدام الحضارات اللي تحدّث عنها الكاتب الأمريكى (صمويل هنتجتون) وسوف أساهم بكل أموالي في إعادة بناء الجسر من جديد .
((يسدل الســــــــتار وينتهي المشـــــهد والمســـــرحية))
ـــــــــــــــــــــــــــــــــــــــــــــــــــــــــــــــــــــــــــــــــــــــ
تم الكتاب بحمد الله.
***حقوق الطبع والنشر والملكية الفكرية محفوظة للمؤلف بدار الكتب والوثائق القومية المصرية كما تم توثيق الكتاب بمكتب الشهر العقارى بالإسكندرية.
ــــــــــــــــــــــــــــــــــــــــــــــــــــــــــــــــــــــــــــــــ
محــــتويات الكــــتاب
(1) مسرحية : صرخــــــة .. بــيـــئة
(2) مسرحية : إسكندرية .. المحبوب
(3) مسرحية : جـــــــسـر الحــــــــوار
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
***مؤلفات الأديب / جمال البيلي المنشورة حالياً في
مدونات (آداب خالدة):
(1) جـــــنة الزيــــــف ( ديــوان شــــــــعر ).
(2)عــــــودة الأمــــس (مجموعة قصـــصـية).
(3) أغنــــية حـــــــــب (ديوان أغاني وأزجال).
(4)زهرة من الجنة ( ديوان أغـــــاني وأزجال).
(5)بستان العشق (ديوان أغـــــــــاني وأزجال).
(6) جنة الحب (ديوان أغاني وأزجال للأطفــال).
(7) إغتيال قلب (ديوان أغـــــــــاني وأزجال ).
(8) المرجيحة (ديوان أغــــــــــــاني وأزجـال).
(9) العاشق الكذاب (ديوان أغــــــــاني وأزجال).
(10) أزاهـــير المـــــسرح (مســــــــــرحيـــــات).
(11) مختارات من أجمل مؤلفات الأديب / جمال البيلي.
***ويمكنك الآن عزيزي القارئ قراءة كل هذه المؤلفات باستخدام الرابط التالي:
https://plus.google.com/u/0/112674594392432263256#112674594392432263256/posts
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مدونات الأديب / جمال البيلي في التصوير الفوتوغرافي والفنون التشكيلية;ـ
Blog 1 : Global Images (1) : with the images of Istanbul trip (part 1
Blog 2 : Global Images (2) : with the images of Istanbul trip (part 2
Blog 3 : Global Images (3) : with the images of Nepal trip (part 1
Blog 4 : Global Images (4) : with the images of Nepal trip (part 2
Blog 5 : Global Images (5) : with the images of Nepal trip (part 3
Blog 6 : Global Images (6) : with the images of Malaysia trip (part 1
Blog 7 : Global Images (7) : with the images of Malaysia trip (part 2
Blog 8 : Global Images (8) : with the images of Malaysia trip (part 3
Blog 9 : Global Images (9) : with the images of Malaysia trip (part 4
Blog 10 : Global Images (10) : with the images of Malaysia trip (part 5
Blog 11 : The Poet / Gamal Elbialy blog in arts
Blog 12 : Around The World (1): with the images of The Poet / Gamal Elbialy trips around the world (part 1
ويمكنك الآن عزيزى القارئ قراءة كل هذه المدونات باللغة الإنجليزية بإستخدام الرابط التالى:_
https://plus.google.com/u/0/112674594392432263256#112674594392432263256/posts
ـــــــــــــــــــــــــــــــــــــــــــــــــــــــــــــــــــــــــــــــــــ
مؤلفات الشاعر/ جمال البيلي المترجمة من اللغة العربية إلي اللغة الإنجليزية والمنشورة حالياً في مدونات (آداب خالدة) باللغة الإنجليزية:ـ
Blog 1: Immortal Literatures (1):with book (Paradise of Falsity) (Poetry book).
Blog 1 : Global Images (1) : with the images of Istanbul trip (part 1
Blog 2 : Global Images (2) : with the images of Istanbul trip (part 2
Blog 3 : Global Images (3) : with the images of Nepal trip (part 1
Blog 4 : Global Images (4) : with the images of Nepal trip (part 2
Blog 5 : Global Images (5) : with the images of Nepal trip (part 3
Blog 6 : Global Images (6) : with the images of Malaysia trip (part 1
Blog 7 : Global Images (7) : with the images of Malaysia trip (part 2
Blog 8 : Global Images (8) : with the images of Malaysia trip (part 3
Blog 9 : Global Images (9) : with the images of Malaysia trip (part 4
Blog 10 : Global Images (10) : with the images of Malaysia trip (part 5
Blog 11 : The Poet / Gamal Elbialy blog in arts
Blog 13 : Around The World (2): with the images of The Poet / Gamal Elbialy trips around the world
(part 2
Blog 14 : Around The World (3): with the images of The Poet / Gamal Elbialy trips around the world (part 3
Blog 15 : Around The World (4): with the images of The Poet / Gamal Elbialy trips around the world (part 4
Blog 16 : Around The World (5): with the images of The Poet / Gamal Elbialy trips around the world (part 5
https://plus.google.com/u/0/112674594392432263256#112674594392432263256/posts
ـــــــــــــــــــــــــــــــــــــــــــــــــــــــــــــــــــــــــــــــــــ
مؤلفات الشاعر/ جمال البيلي المترجمة من اللغة العربية إلي اللغة الإنجليزية والمنشورة حالياً في مدونات (آداب خالدة) باللغة الإنجليزية:ـ
Blog 1: Immortal Literatures (1):with book (
Blog 2: Immortal Literature (2):with book (love Song) (book of songs and colloquial poetry).
Blog 3: Immortal Literatures (3):with book (Assassination of Heart) (book of songs and colloquial poetry).
Blog 4: Immortal Literatures (4):with book (The Swing) (book of songs and colloquial poetry).
Blog 5: Immortal Literatures (5):with book (The Liar Lover) (book of songs and colloquial poetry).
ويمكنك الآن عزيزى القارئ قراءة كل هذه المدونات باللغة الإنجليزية بإستخدام الرابط التالي
https://plus.google.com/u/0/112674594392432263256#112674594392432263256/posts
ـــــــــــــــــــــــــــــــــــــــــــــــــــــــــــــــــــ
***ملحوظة هامة : ترسل جميع الرسائل والتعليقات علي عنوان البريد الإلكترونى للمؤلف وهو:
gamalelbialy@rocketmail.com
وسيقوم المؤلف بالرد عليها بنفسه في أقرب وقتٍ ممكن .
gamalelbialy@rocketmail.com
وسيقوم المؤلف بالرد عليها بنفسه في أقرب وقتٍ ممكن .
الأرشيفات
20/04/2014 24/04/2014 13/05/2014
الاشتراك في الرسائل [Atom]